Սիրո խոստովանություն անելու ցանկության և ընկերությունը կորցնելու վախի միջև երկմտելով՝ Արենը թափառում է փարիզյան գիշերով։ Անսպասելի հանդիպումը նախկին սիրեցյալի՝ Թեոյի հետ վերարթնացնում է թաղված զգացմունքները և ստիպում նրան վերաիմաստավորել սիրո իսկական նշանակությունը։

Ստեղծագործական կազմը
Պրոդյուսեր՝ Լիզա Տրակուչչի
Ռեժիսոր՝ Սերուժ Հովսեփյան
Սցենարի հեղինակ՝ Սերուժ Հովսեփյան
Օպերատոր՝ Նիկոլա Պրադո
Նկարիչ՝ Նաթան Ռիշար
Կոմպոզիտոր՝ Հրայր Գալեմքերյան
Հնչյունային ձևավորող՝ Ժոզեֆ Պոլե
Մոնտաժող՝ Մատեո Բրոսո
Դերերում. Վենսան Բաստերմաջյան, Վիկտորիեն Բոնե, Բլյո Բինե, Լուի Ժուտար, Կասպեր Տվետերաս Օժ
Արտադրությունը՝ La Croûte Films

Սերուժ Հովսեփյան
Ծնվել է Բեյրութում։ Վաղ տարիքից զբաղվել է պարով, երգեցողությամբ, դաշնամուրով և թատրոնով, մինչև բացահայտել է կինոն՝ որպես ինքնարտահայտման և արվեստի համապարփակ լեզու։ Ավարտել է Լիբանանի համալսարանի կինոյի բաժինը, ապա ուսումը շարունակել Պրահայի FAMU կինոակադեմիայում, որտեղ նկարահանել է իր առաջին կարճամետրաժ ֆիլմը՝ «Նահապետը»։ Վերջին երեք տարին բնակվում է Փարիզում, որտեղ ավարտել է երկրորդ կարճամետրաժը՝ «Մենավոր երկխոսությունները»։ Այժմ աշխատում է իր առաջին լիամետրաժ ֆիլմի՝ «Տարելիցի» վրա։

Ֆիլմացանկ
Նահապետ (կ/մ, 2022), Մենավոր երկխոսություններ (կ/մ, 2026):