Գործողությունները տեղի են ունենում Վրաստանի հարավում գտնվող Գանձանի հեռավոր գյուղում՝ Հայաստանի սահմանի մոտ։ Ֆիլմը բացահայտում է երիտասարդների հասունացման ճանապարհը՝ անորոշության և փոփոխությունների պայմաններում: Գյուղը, որտեղ ապրում է էթնիկ հայ համայնք, և ուր մինչ օրս զգացվում են աքսորի արձագանքներն ու խորհրդային նոստալգիան, ձևավորում է երեք դեռահասների կյանքը, որոնք փորձում են հաղթահարել ժառանգված ավանդույթների և նորի ձգտման միջև եղած լարվածությունը։ Անհանգիստ և հավակնոտ Հենրիխը երազում է մեկնել Թբիլիսի՝ միջազգային հարաբերություններ սովորելու: Ընտանեկան պարտավորություններով ծանրաբեռնված Կառլենը միգրանտ աշխատանքը համարում է անկախության իր ուղին: Հակոբը, ավելի խորապես արմատավորված ավանդույթներում, փորձում է գտնել իր նշանակալի տեղը գյուղում՝ միաժամանակ լուռ կասկածի տակ դնելով դրա չասված կանոններն ու հայրիշխանական սպասումները։ Ընդդեմ խիստ գենդերային դերերի, սոցիալական սահմանափակումների և աշխարհաքաղաքական անկայունության՝ այս ֆիլմը ներկայացնում է մտերմիկ և ներթափանցող պատկեր մի սերնդի մասին, որը փորձում է պատկերացնել ապագա՝ իրենց մեկուսացված աշխարհից դուրս։

Ստեղծագործական կազմը
Պրոդյուսերներ՝ Դոմինիկ Դյուսո, Մառլեն Էդոյան
Ռեժիսոր՝ Մառլեն Էդոյան
Սցենարի հեղինակ՝ Մառլեն Էդոյան
Օպերատոր՝ Էտյեն Ռուասի
Կոմպոզիտորներ՝ Մետյու Շարբոնե, Քրիսթոֆ Լամարշե-Լեդու
Հնչյունային ձևավորողներ՝ Իրակլի Իվանիշվիլի, Լին Տրեպանյե, Մարի-Պիեր Գրենյե, Ալեքս Լեյն
Մոնտաժող՝ Օմար Էլհամի
Արտադրությունը՝ Nemesis Films

Մրցանակներ
Ժյուրիի հատուկ մրցանակ (Visions du Reel, միջազգային մրցույթ, Նիոն, Շվեյցարիա, 2026թ.)

Մառլեն Էդոյան
Մոնրեալում բնակվող վավերագրական ֆիլմերի ռեժիսոր է, սցենարիստ և պրոդյուսեր՝ կանադական և միջազգային կինոարդյունաբերության ավելի քան քսան տարվա փորձով: «Fauve Film»-ի հիմնադիրն է, ստեղծում է հեղինակային վավերագրական ֆիլմեր, որոնք ուսումնասիրում են մարդկային աշխարհագրությունը, ինքնությունը և անձնական պատմությունները: Մասնակցել է միջազգային լաբորատորիաների, ինչպիսիք են «EURODOC»-ը և «Cannes Docs»-ը: 2021 թվականից ի վեր՝ Մոնրեալի միջազգային վավերագրական ֆիլմերի փառատոնի (RIDM) գեղարվեստական ​​​​համատնօրենն է և ծրագրավորող, ինչպես նաև ծրագրեր է կազմում «Tënk»-ի համար:    

Ֆիլմացանկ
Արմենի կերպարը (վավ., 2012թ.), Ծովը մեր միջև ((վավ., 2019թ.), Մալիկան սպասելիս ((վավ., 2022թ.), Հեռավոր կրակ ((վավ., 2026թ.)