Գրիգոր Գրիրգորյանն արթնանում է տարօրինակ քնից և հասկանում, որ դարձել է գրող Ֆրանց Կաֆկան: Տխրությունն ու ունայնությունը խեղդում են նրան, և նա անհագ կարիք է զգում հասկանալու, թե ինչպես պիտի հիմա շարունակի ապրել:

Ստեղծագործական կազմը
Պրոդյուսերներ՝ Զաքար Դեմիրճյան, Վահան Խաչատրյան
Ռեժիսոր՝ Վահան Խաչատրյան
Սցենարի հեղինակներ՝ Վահան Խաչատրյան
Օպերատոր՝ Միխաիլ Նեկրասով
Նկարիչ՝ Զաքար Դեմիրճյան
Կոմպոզիտոր՝ Անի Մարդոյան
Հնչյունային ձևավորող՝ Սոնյա Կոլչակ
Մոնտաժող՝ Հարություն Վիրաբյան
Դերերում. Արեն Ոսկանյան, Գրիգոր Խաչատրյան, Էլեն Գևորգյան, Մարինե Պետրոսյան, Աշոտ Գաբրիելյան, Հայկ Մարտիրոսյան, Սարգիս Շողունց
Արտադրությունը՝Bada Productions 

Վահան Խաչատրյան
Ծնվել է Երևանում։ 2008-2012 թթ․ ուսանել է Հայաստանի պետական ճարտարագիտական համալսարանում: Այնուհետև մագիստրոսի կոչում է ստացել Երևանի թատրոնի և կինոյի պետական ինստիտուտում, ինչպես նաև հաճախել Ռոման Բալայանի բարձրագույն ռեժիսորական դասընթացը (2012–2014 թթ.): 2020–ին նկարահանել է «Հեղափոխության մասին» վավերագրական կարճամետրաժ ֆիլմը, որը հետազոտում է Հայաստանի քաղաքական և սոցիալական փոփոխությունների շրջադարձային ժամանակաշրջանը: Խաչատրյանը նաև հայ-եթովպական երաժշտական կապերի մասին պատմող «Թեզետա» վավերագրական ֆիլմի համապրոդյուսերն է: «Կաֆկան» նրա առաջին խաղարկային աշխատանքն է:  2015–ից Խաչատրյանը «Ծիրանի ծառ» վավերագրական ֆիլմերի միջազգային փառատոնի (IDFF) համակարգող է: Այժմ աշխատում է XR (ընդլայնված իրականություն) տեխնոլոգիաների ոլորտում, իսկ նրա նախագծերն ընդգրկվել են մի շարք միջազգային փառատոներում:

Ֆիլմացանկ
Հեղափոխության մասին (վավեր․, 2020), Կաֆկա (կ/մ, 2026):