«Լինե՞լ, թե՞ չլինել»,-- արձագանքում է խորհրդային դարաշրջանի բարձիթողի ծերանոցի միջանցքներում, որտեղ տարեց բնակիչների մի խումբ փորձ է անում: «Շեքսպիրի մեղքերը» պիեսում հանրահայտ դրամատուրգի ստեղծած կերպարներն իր դեմ են ելնում իրենց ողբերգական ճակատագրերի պատճառով։ Դերակատարների ընտրությունից մինչև պրեմիերայի երեկոն ֆիլմը հետևում է թոշակառուների թատերախմբին, փորձերի ընթացքում և նրանց միջև ձևավորվող կապերին՝ ծերանալու անմեղ արժանապատվությանն ուղղված թեթև ու ջերմ հայացքից վերածվելով ավելի խորքային և մտքեր առաջացնող հետազոտության այդ ծերանալուն ուղեկից մենության մասին։ Բեմադրությանը զուգընթաց թատրոնն արտացոլում է իրականությունը։

Ստեղծագործական կազմը
Պրոդյուսերներ՝Վարդան Հովհաննիսյան, Իննա Սահակյան, Մարիամ Դավթյան, Յորամ Վիլինք, Էսթեր վան Դրիսում, Ռոսալիեն Հոլեստելե
Ռեժիսորներ՝Իննա Սահակյան, Ռուբեն Ղազարյան
Սցենարիհեղինակներ՝ Իննա Սահակյան, Լիլիթ Մովսիսյան
Օպերատոր՝  Բագրատ Սարոյան
Հնչյունային ձևավորող՝Լեներթ Հունֆելդ
Մոնտաժող՝ Արթուր Սահակյան
Արտադրությունը՝ Bars Media, Bind

Մրցանակներ
Լավագույն վավերագրական ֆիլմ, Հայաստանի ազգային կինոակադեմիայի «Անահիտ» մրցանակաբաշխություն, 2026, Լավագույն վավերագրական ֆիլմ, FIPRESCI–ի մրցանակ, Կենտրոնական և Արևելյան Եվրոպայի կինոյի goEast փառատոն, Գերմանիա, 2026

Իննա Սահակյան
Վավերագրող և պրոդյուսեր, որի գործերը բացահայտում են մոռացված պատմություններ են բացահայտում խորապես մարդկային կերպարների վրա հենված պատումի միջոցով: Սահակյանի ֆիլմերի թվում են մրցանակակիր «Հայաստտանի վերջին լարախաղացը» և «Մելը»: Նրա «Ավրորայի արշալույսը» անիմացիոն վավերագրական ֆիլմը (2022), որը պատմում է Հայոց ցեղասպանությունը վերապրած՝ վաղ շրջանի հոլիվուդյան աստղ Ավրորա Մարտիկանյանի մասին, դարձել է փառատոնային ֆավորիտ՝ ցուցադրվելով ավելի քան 80 միջազգային փառատոնում և արժանանալով խոշոր մրցանակների, այդ թվում՝ Ասիա–Խաղաղօվկիաոսյան մրցանակին (APSA) լավագույն անիմացիոն ֆիլմի համար, Ամստերդամի Movies that Matter ԿՓ–ի Հատուկ հիշատակմանը և Հանդիսատեսի մրցանակին, Ամստերդամի վավերագրական կինոյի ՄՓ–ի (IDFA) «Հանդիսատեսի սիրելի» մրցանակին և Ժնևի Մարդու իրավունքների ԿՓ–ի և ֆորումի (FIFDH) Մեծ մրցանակին:

Ֆիլմացանկ
Հայաստանի վերջին լարախաղացը (վավեր., համառեժ․, 2010), Donkeymentary (վավեր., համառեժ․ 2012), Մեկ, երկու, երեք (վավեր., համառեժ․, 2013), Մել (վավեր., 2021), Ավրորայի արշալույսը (անիմ., վավ.,2022):

Ռուբեն Ղազարյան
Միջազգային համատեղ վավերագրական արտադրության մեջ փորձառու կինոռեժիսոր: Երևանի թատրոնի և կինոյի պետական ​​ինստիտուտի և Մոսկվայի կինոինստիուտի շրջանավարտ է, որպես ռեժիսոր և օպերատոր նկարահանել է և մոնտաժել բազմաթիվ նախագծեր ինչպես Հայաստանում, այնպես էլ արտերկրում։ «Բարս Մեդիա» կիոստուդիայում ստեղծել է ճանաչված հեռուստատեսային վավերագրական սերիալներ, ինչպիսիք են «Հայաստանի առեղծվածները», «Իմ բանակը» և «Ճանապարհը»։ Նկարահանումներ է արել Ռուանդայում, Բրազիլիայում, Աֆղանստանում՝ մասնակցելով «Ավրորա» մարդասիրական նախաձեռնության նախագծերին: Վերջերս եղել է «Ավրորայի արշալույսը» մրցանակակիր ֆիլմի մոնտաժողը, նկարիչ ձևավորողն ու խաղարկային տեսարանների ռեժիսորը։

Ֆիլմացանկ
Իմ բանակը (վավեր․ շարք, 2015), Ճանապարհ (վավեր․ շարք, 2017), «Ավրորա» մրցանակաբաշխության մարդասիրական ֆիլմեր ((վավեր․ շարք, 2016-2024), Ավրորայի արշալույսը (անիմ․, վավեր․,2022):