Կարմիր գորգը փռված է, բերքահավաքը՝ սկսված
10 հուլիսի 2023
Կարմիր գորգը փռված է, բերքահավաքը՝ սկսված։ 100-ից ավելի ֆիլմ, միջազգային հեղինակավոր կինոփառատոնների դափնեկիրներ... Երևանում մեկնարկեց «Ոսկե ծիրան» 20-րդ հոբելյանական միջազգային կինոփառատոնը։
«Ոսկե Ծիրանի» գեղարվեստական տնօրեն Կարեն Ավետիսյանը վստահ է՝ գրեթե բոլոր գործոնները և բաղադրիչները կան լավ փառատոնի համար, մնում է վերջին տարրը՝ հանդիսատեսի մասնակցությունը։ Փառատոնի հիմնադիր, նախագահ Հարություն Խաչատրյանը փոքրիկ էքսկուրս անցկացրեց 20 տարիների անցած բարդ ճանապարհով, որի ընթացքում, նրա խոսքով, լավ ընկերները չդավաճանեցին, թույլ տվեցին, որ խակ ծիրանը հասնի։