Գյուղատնտեսության հարգված պրոֆեսոր Գրիգոր Ջանոյանը մահանում է տարօրինակ դժբախտ պատահարից։ Ավանդական հայկական հոգեհանգստին նախապատրաստվելիս նրա ընտանիքը թյուրիմացաբար ստանում է սխալ դի։ Շուտով պարզվում է, որ հանգուցյալը հայտնի քրեական հեղինակություն է, և այդ սխալից ծնվում է զավեշտալի, դրամատիկ ու անկանխատեսելի դեպքերի շղթա, մինչ Գրիգորի որդին ու նրա ընկերները փորձում են գտնել իսկական դին։ Իրական դեպքերի հիման վրա նկարահանված ֆիլմը միավորում է երգիծանքը, կատակերգությունն ու ընտանեկան դրաման։

Ստեղծագործական կազմը
Պրոդյուսեր՝ Կարո Կիրակոսյան
Գործադիր պրոդյուսեր՝ Վիք Գրիգորյան
Ռեժիսոր՝ Գոռ Կիրակոսյան
Սցենարի հեղինակներ՝ Գոռ Կիրակոսյան, Նեկտար Մարտիրոսյան, ըստ Նառա Վարդանյանի պատմվածքի
Օպերատոր՝ Արման Օրդյան
Նկարիչ՝ Հակոբ Մուսայելյան
Կոմպոզիտորներ՝ Արամ Ավագյան, Նարեկ Ղափլանյան
Հնչյունային ձևավորող՝ Կարեն Ծատուրյան
Մոնտաժող՝ Գոռ Կիրակոսյան
Դերերում. Հրանտ Թոխատյան, Նարեկ Ղափլանյան, Խորեն Լևոնյան, Դավիթ Թովմասյան, Մայրանուշ Գրիգորյան, Մարի Մսրյան, Վահագն Սիմոնյան, Արաքսյա Մելիքյան
Արտադրությունը՝ K Films

Մրցանակներ
Լավագույն արտասահմանյան ֆիլմ, Բևերլի Հիլզի ԿՓ, ԱՄՆ, 2007, Լավագույն լիամետրաժ ֆիլմ, deadCENTER ԿՓ, Օքլահոմա Սիթի, ԱՄՆ, 2007, Լավագույն լիամետրաժ ֆիլմ, ReelHeART ՄԿՓ, Թորոնթո, Կանադա, 2007, Լավագույն սցենար, Հոնոլուլուի ԿՓ, 2007, Լավագույն սցենար, «Արփա» ՄԿՓ,Հոլիվուդ, ԱՄՆ, 2007

Գոռ Կիրակոսյան
Ամերիկահայ ռեժիսոր, պրոդյուսեր և սցենարիստ։ Ծնվել է 1981–ին Երևանում։ Միացյալ Նահանգներ տեղափոխվելուց հետո ուսանել է Փասադենայի ArtCenter դիզայնի քոլեջում:։ Նրա առաջին լիամետրաժ աշխատանքը՝ «Մեծ պատմություն փոքր քաղաքում» ֆիլմը, հաջողությամբ ցուցադրվել է միջազգային կինոփառատոներում և դարձել ռեժիսորի հետագա ստեղծագործական ուղու սկիզբը։ Հետագայում նկարահանել է «Կորած–մոլորվածը Հայաստանում», «Տոմս դեպի Վեգաս», «Քայլ ձիով», «Ազնիվ գողեր» ֆիլմերը։

Ֆիլմացանկ
Ես ատում եմ Ռոմեոյի և Ջուլիետի պատմությունը (կ/մ, 2004), Մեծ պատմություն փոքր քաղաքում (2006), Կորած–մոլորվածը Հայաստանում (2012), Տոմս դեպի Վեգաս (2013), Քայլ ձիով (2013), Ազնիվ գողեր (2019), Սևազգեստ կանայք (2023):