Մի երիտասարդ քվիր կինոռեժիսոր աշխատանքի է անցնում՝ վերակենդանացնելու «Միասմա ճամբարը» սլեշեր ֆիլմաշարը, բայց շուտով տարվում է դերասանուհով, որը մարմնավորել է այդ ֆիլմաշարի վերջին ողջ մնացած լեգենդար հերոսուհուն։

Ստեղծագործական կազմը
Պրոդյուսերներ՝ Դիդի Գարդներ, Ջերեմի Քլայներ, Բրեդ Փիթ
Ռեժիսոր՝ Ջեյն Շոունբրուն
Սցենարի հեղինակ՝ Ջեյն Շոունբրուն
Օպերատոր՝ Էրիկ Յու
Նկարիչներ՝ Մեթ Հայլենդ, Բրենդոն Թոներ-Քոնոլի
Երաժշտությունը՝ Ալեքս Ջի, Փոլ Բյուքենեն
Հնչյունային ձևավորողներ՝ Ջեյքոբ Ռիբիկով, Թիմ Քորն 
Մոնտաժող՝ Գրեմ Մեյսոն
Դերերում. Հաննա Այնբինդեր, Գիլիան Անդերսոն, Պատրիկ Ֆիշլեր, Ջասմին Սավոյ Բրաուն
Արտադրությունը՝ MUBI, Scythia Films

Մրցանակներ
«Քվիր արմավենի», Կաննի ՄԿՓ, 2026

Ջեյն Շոնբրոն (ծնվ․ 05․02․1987)
Ամերիկացի կինոռեժիսոր։ Ծնվել է 1987–ին: Քոլեջում ուսանելու տարիներին արտադրության օգնական է եղել Սաֆդի եղբայրների կարճամետրաժ ֆիլմերում։ Ավարտելուց հետո վերադարձել է Նյու Յորք և գործի անցել Independent Filmmaker Project կազմակերպությունում։ 2011–2019 թթ․ հոդվածներ է գրել «Filmmaker» հանդեսի համար։ 2014–ին եղել է Kickstarter հարթակի կինոգործընկերությունների ղեկավարը։ Eyeworks Festival of Experimental Animation-ի հիմնադիր ծրագրավորողներից է։ Մասնակցել է նաև Բրուքլինի Spectacle Theater-ի ծրագրերի կազմմանը և հատուկ ցուցադրություններ կազմակերպել անկախ կինոյի մի շարք կազմակերպությունների համար։ 2018–ին իրականացրել է իր առաջին ռեժիսորական աշխատանքը՝ «Ինքնաներշնչված զգայախաբկանք» վավերագրական ֆիլմը, որը քննում է, թե ինչպես են օգտատերերի ստեղծած տեսանյութերը ձևավորում առցանց համայնքներ և ընդհանուր ավանդույթ։ Շոունբրունի «Բոլորս գնում ենք համաշխարհային տոնավաճառ» ֆիլմի պրեմիերան կայացել է 2021–ին «Սանդենս« ԿՓ–ում։ Քննադատները նշել են, որ ֆիլմը հարգանքի տուրք է ցածրաբյուջե սարսափի ֆիլմերին։ 2024–ին Շոունբրունի հաջորդ լիամետրաժ աշխատանքի՝ «Ես տեսա հեռուստացույցի փայլը» ֆիլմի պրեմիերան ևս կայացել է «Սանդենս« ԿՓ–ում, ապա կինոնկարը ցուցադրվել է Բեռլինի ՄԿՓ–ում և South by Southwest ԿՓ–ում։ 2025-ին Շոունբրունն ավարտվել է «Պատանեկան սեքսն ու մահը Միասմա ճամբարում» ֆիլմի նկարահանումները։ Netflix-ը պատվիրել է Չարլզ Բըրնսի «Սև խոռոչ» գրաֆիկական վեպի սերիալային էկրանավորումը, որի սցենարի հեղինակն ու ռեժիսորը Շոունբրունն է։

Ֆիլմացանկ
Ինքնաներշնչված զգայախաբբկանք (վավեր., 2018), Բոլորս գնում ենք համաշխարհային տոնավաճառ (2021), Ես տեսա հեռուստացույցի փայլը (2024), Պատանեկան սեքսն ու մահը Միասմա ճամբարում (2026):