Բալետի տաղանդավոր պարող մեքսիկացի Ֆեռնանդոն երազում է միջազգային հաջողության և նոր կյանքի մասին Միացյալ Նահանգներում։ Համոզված, որ սիրեցյալը՝ ամերիկացի հարուստ բարերար Ջենիֆերը, կօգնի իրեն կառուցել այդ ապագան՝ նա ամեն ինչ վտանգում է սահմանը հատելու համար։ Բայց վերամիավորվելուց հետո նրանց հարաբերությունները երևան են բերում իշխանության, արտոնության, ցանկության և կախվածության խոր անհամապատասսխանություններ։ Ֆիլմն անդրադառնում է գաղթի, դասակարգային տարբերությունների թեմաներին և ամերիկյան երազանքի փխրուն բնույթին։

Ստեղծագործական կազմը
Պրոդյուսերներ՝ Միշել Ֆրանկո, Էրենդիրա Նունյես Լարիոս, Ալեքսանդր Ռոդնյանսկի
Ռեժիսոր՝ Միշել Ֆրանկո
Սցենարի հեղինակ՝ Միշել Ֆրանկո
Օպերատոր՝ Իվ Կապ
Նկարիչ՝ Ալֆրեդո Վիգերաս
Հնչյունային ձևավորողներ՝ Ֆրենք Գաետա, Ավիվ Ալդեմա
Մոնտաժողներ՝ Օսկար Ֆիգերոա, Միշել Ֆրանկո
Դերերում. Ջեսիքա Չեսթեյն, Իսաակ Էռնանդես, Ռուփերթ Ֆրենդ, Մարշալ Բել, Էլիխիո Մելենդես, Մերսեդես Էռնանդես
Արտադրությունը՝ Teorema

Միշել Ֆրանկո
ժամանակակից մեքսիկական կինոյի առաջատար ռեժիսորներից։ Ծնվել է 1979–ին Մեխիկոյում: Նրա ֆիլմերը հաճախ են քննում սոցիալական անհավասարությունը, բարոյական երկիմաստությունը, բռնությունը և մարդկային հարաբերությունները։ Ֆրանկոյի նշանակալից գործերի թվում են «Լուսիայից հետո», «Նոր կարգ», «Մայրամուտ», «Հիշողություն», «Երազանքներ» ֆիլմերը:
Ֆրանկոն մի շարք մրցանակներ է նվաճել այնպիսի հեղինակավոր կինոփառատոներում, ինչպիսիք են՝ Կաննը, Վենետիկը, Չիկագոն։ Պարբերաբար աշխատել է Ջեսիքա Չեսթեյնի, Դարիո Յազբեկ Բեռնալի, Նելյա Նորվինդի և Թիմ Ռոթի հետ։

Ֆիլմացանկ (ընտրանի)
Դանիել և Անա (2009), Լուսիայից հետո (2012), Քրոնիկ (2015), Աբրիլի դուստրերը (2017), Նոր կարգ (2020), Մայրամուտ (2021), Հիշողություն (2023), Երազանքներ (2025):