Գրիգոր Պըլտյանն արդեն վաթսուն տարի է, ինչ արևմտահայերեն ստեղծագործում է Փարիզում։ Ութսուն տարեկանում նա շարունակում է ապրել նույն բնակարանում և հավատարիմ մնալ այն լեզվին, որն ինքն է ընտրել՝ մի լեզվի, որին անհետացում էին կանխատեսում։ Ֆիլմը հազվագյուտ հնարավորություն է տալիս ծանոթանալու նրա կյանքին, ստեղծագործությանը և անտեսանելի հայկական Փարիզին, որը նա կրում է իր հետ։

Ստեղծագործական կազմը
Պրոդյուսեր՝ Ժասմին Ղազարյան
Ռեժիսոր՝ Ժասմին Ղազարյան
Սցենարի հեղինակ՝ Քրիստիան Բատիկյան
Օպերատոր՝ Մխիթար Մանուկյան
Երաժշտությունը՝ Արեգ Միրզոյանի, Կարին Սթրիթի, Քրիս Ուորների, Այանա Ուիթեր-Ջոնսոնի
Հնչյունային ձևավորող՝ Տիգրան Հակոբյան
Մոնտաժող՝ Տաթև Զատիկյան

Ժասմին Ղազարյան
Հայ ռեժիսոր, գործում է Փարիզի և Երևանի միջև։ Ժասմին Ղազարյանի առաջին վավերագրական ֆիլմը՝ «Մայրը», ցուցադրվել է մի շարք կինոփառատոներում, իսկ հետո նա անցել է գովազդային և կորպորատիվ տեսահոլովակների։ Այժմ Փարիզի INALCO համալսարանում մագիստրոսական կրթություն է ստանում՝ մասնագիտանալով հայ գրակաության մեջ։ Այս ֆիլմը նրա վերադարձն է վավերագրական կինո։

Ֆիլմացանկ
Մայր (2014), Պարտեզը որ քեզ երազեց (2026):