Սիրած աղջկա սիրտը շահելու ակնկալությամբ խորհրդավոր «ցանկության շիվը» կոտրելուց հետո անհույս ռոմանտիկ երիտասարդը ստանում է հենց այն, ինչ ցանկացել էր։ Բայց շուտով նա հասկանում է, որ ինչ–ինչ ցանկություններ իրականանում են մռայլ և չարագուշակ գնով։

Ստեղծագործական կազմը
Պրոդյուսերներ՝ Ջեյմս Հարիս, Հեյլի Նիկոլ Ջոնսոն, Քրիստիան Մերկուրի, Ռոման Վիարիս
Ռեժիսոր՝ Քարի Բարքեր
Սցենարի հեղինակ՝ Քարի Բարքեր
Օպերատոր՝ Թեյլոր Քլեմոնս
Նկարիչ՝ Վիվիան Գրեյ
Կոմպոզիտոր՝ Ռոք Բըրուել
Հնչյունային ձևավորող՝ Բեն Զարաի
Մոնտաժող՝ Քարի Բարքեր
Դերերում. Մայքլ Ջոնսթոն, Ինդի Նավարեթ, Քուփեր Թոմլինսոն, Մեգան Լոլես, Էնդի Ռիխթեր
Արտադրությունը՝ Capstone Pictures, Blumhouse Productions, Tea Shop Productions, Under the Shell

Մրցանակներ
Ժյուրիի հատուկ մրցանակ, Սիտխես, Կատալոնիայի ՄԿՓ, 2025, «Ոսկե տիեզերական ասեղ» մրցանակ լավագույն դերակատարման համար, Սիեթլի կինոքննադատների ընկերության մրցանակ լիամետրաժ ֆիլմի համար, Սիեթլի ՄԿՓ, 2026, Լավագույնը փառատոնում, լավագույն ռեժիսոր, Խուճապի փառատոն, Հյուսիսային Քանզաս Սիթի, ԱՄՆ, 2026

Քարի Բարքեր
Դերասան, սցենարիստ և ռեժիսոր, ծնունդով Ալաբամա նահանգի Մոբայլ քաղաքից, որտեղ դեռ պատանեկան տարիքից սկսել է կարճամետրաժ ֆիլմեր նկարահանել։ Հետագայում տեղափոխվել է Լոս Անջելես՝ զվարճանքների արդյունաբերությանն մեջ կարիերան շարունակելու մտադրությամբ։ Կինոդպրոցում ուսանելու տարիներին ծանոթացել է Քուփեր Թոմլինսոնի հետ, և միասին որոշել են թողնել ուսումը սեփական նախագծերի վրա կենտրոնանալու նպատակով։ Այդ որոշման շնորհիվ համատեղ հիմնել են սոցիալական հարթակների համար նախատեսված սկետչների That's a Bad Idea կատակերգական ալիքը։ Բարքերի հետաքրքրությունը ռեժիսուրայի նկատմամբ շարունակել է աճել։ Այդ ընթացքում նկարահանել է մի շարք մրցանակակիր կարճամետրաժ ֆիլմեր, այդ թվում՝ «Աթոռը», որն այժմ զարգացնում է որպես լիամետրաժ կինոնկար։ Որպես դերասան նկարահանվել է տարբեր հեռուստաշոուներում: Բարքերը սիրում է համադրել կատակերգությունն ու սարսափը՝ բազմակողմանիություն և ճկունություն ցուցաբերելով:

Ֆիլմացանկ
Իրական աշխարհ (կ/մ, 2019), Մտորումներ (կ/մ, 2020), Մինչդեռ բանկից դուրս (կ/մ, 2020), Գիպսաստվարաթղթե պատ (կ/մ, 2021), Ծանրացած աչքեր (կ/մ, 2022), Աթոռը (կ/մ, 2023), Հանելուկ (կ/մ, 2023), Զգուշացումներ (կ/մ, 2023), Ոսկու հետքերով (կ/մ, 2024), Մոլեգնություն (2025):