Ֆիլմը պատմում է պրոֆեսիոնալ սգացողների ընտանիքի մասին, որտեղ յուրահատուկ արհեստը փոխանցվում է գերդաստանի կանանց միջոցով: Բայց 16-ամյա Մարգոն այլ ծրագրեր ունի: Որպես TikTok-ի բարձրացող աստղ նա չի ուզում շարունակել անկասկած ահրաապույր այս ավանդույթը: Նրա վճռականությունը փորձության է ենթարկվում, երբ տատը՝ Բավոն, հայտարարում է, որ իրեն մեկ շաբաթ է մնացել ապրելու: Մոր բացակայության պայմաններում ընտանեկան ժառանգության պատասխանատվությունն ընկնում է Մարգոյի ուսերին: Էստաֆետը փոխանցելու վճռականությամբ Բավոն ընդամենը յոթ օր ունի օգնելու Մարգոյին, որպեսզի նա պատրաստվի այն դերին, որի համար ծնվել է:

Ստեղծագործական կազմը
Պրոդյուսերներ՝Վարդան Հակոբյան, Օվսաննա Գևորգյան
Ռեժիսոր՝Օվսաննա Գևորգյան
Սցենարիհեղինակ՝ Օվսաննա Գևորգյան
Օպերատոր՝ Արթուր Ուստյան
Նկարիչ՝ Լուսինե Սարգսյան
Հնչյունային ձևավորող՝Տիգրան Կուզիկյան
Մոնտաժողներ՝ Անահիտ Բաղինյան, Օվսաննա Գևորգյան
Դերերում․ Արմինե Ավետիսյանը, Տիգրանուհի Տեր-Մարտիրոսյանը:
Արտադրությունը՝ Glass Doll Pictures

Մրցանակներ
Գլխավոր մրցանակ GAIFF Pro: Short Cuts Nest, Երևան, 2023

Օվսաննա Գևորգյան
Սցենարիստ-ռեժիսոր: Քոլամբիա համալսարանից կինոռեժիսուրայի մագիստրոսի աստիճան է ստացել: Գևորգյանի աշխատանքների թվում են «Տառապող այգեպանի հեքիաթը» (Raindance ԿՓ, 2019), «Որբությունը» (լավագույն օպերատորական աշխատանք, Քոլամբիա համալսարանի ավարտական մրցանակ, 2022) և «Անգլուխ ձիավորները» (Պուսանի ՄԿՓ, 2023): Լիամետրաժ ֆիլմերի նրա սցենարները («Սիրտս նման է էն փլած տներ» և «Երևանյան հիվանդություն»), մրցանակների և աջակցության են արժանացել «Ոսկե ծիրան»-ում, Թբիլիսիի ՄԿՓ-ում և ACF-ում: Գևորգյանն ընտրվել է Ասիական կինոակադեմիայի Chanel & BIFF ծրագրի մասնակից, իսկ նրա «Երկիր Նաիրի» շարքը մշակվել է Թուրինի կինոլաբի և Դոհայի կինոինստիտուտի օգնությամբ: Այժմ Օվսաննա Գևորգյանն աշխատում է իր առաջին լիամետրաժ ֆիլմի վրա:

Ֆիլմացանկ
Դու այլևս տուն չես կարող գնալ (կ/մ, 2018), Տառապող այգեպանի հեքիաթը (կ/մ, 2019), Ամպը՝ տաբատով (կ/մ, 2021), Որբություն (կ/մ, 2022), Անգլուխ ձիավորներ (կ/մ, 2023), Վարձու սգավորներ (կ/մ, 2026):