Շվեդիա/Դանիա/Ֆինլանդիա/Իտալիա
ԴՐԱԽՏՆ ԱՅՐՎՈՒՄ Է
108 րոպե
2023

Շվեդիայի բանվորական թաղամասերից մեկում երեք քույր` Լաուրան (16 տ.), Միրան (12 տ.) և Սթեֆին (7 տ.), մոր բացակայության պատճառով ստիված են ինքնուրույն գոյատևել։ Մոտալուտ ամառն ու ծնողների բացակայությունը կյանքը դարձնում են անհոգ ու խենթ, վառվռուն և առանց կանոնների։ Բայց երբ սոցիալական ծառայությունները հանդիպման են հրավիրում, Լաուրան ստիպված է իրենց մորը նմանակող մեկին գտնել, որպեսզի քույրերին բաժանելով խնամակալության չհանձնեն։ Լաուրան այս վտանգը գաղտնի է պահում, որպեսզի կրտսեր քույրերը չանհանգստանան։ Որքան մոտենում է ճշմարտության պահը, նոր խնդիրներ են առաջանում` քույրերին ստիպելով հաղթահարել լիակատար ազատության վայելքի և հասունանալու հետ կապված դաժան իրողությունների նեղ սահմանագիծը։

Ստեղծագործական կազմը
Պրոդյուսեր՝ Նիմա Յուսեֆի
Ռեժիսոր՝ Միքա Գուստաֆսոն
Սցենարի հեղինակներ՝ Միքա Գուստաֆսոն, Ալեքսանդր Էրսթրանդ
Օպերատոր՝ Սինե Վադսթրուփ Բրոքեր
Նկարիչ՝ Կատարինա Նյուքվիսթ Էռնռոթ
Կոմպոզիտոր՝ Ջորջո Ջամպա
Հնչյունային ձևավորող՝ Գուստաֆ Բերգեր
Մոնտաժող՝ Անդերս Սքով
Դերերում. Բիանկա Դելբրավո, Դիլվին Ասաադ, Սաֆիրա Մոսբերգ, Իդա Էնգվոլ, Միտյա Սիրեն, Մարթա Օլդենբուրգ
Արտադրությունը՝ Hobab

Մրցանակներ
Լավագույն ռեժիսոր, «Հորիզոններ» ծրագիր, լավագուն սցենար, Մինչև 40 տարեկան հեղինակների մրցույթ, Վենետիկի ՄԿՓ, 2023, «Սաթերլենդ» մրցանակ, Անդրանիկ լիամետրաժ խաղարկային կինոնկարի մրցույթ, Լոնդոնի ՄԿՓ, 2023, Լավագույն ֆիլմ, լավագույն նկարիչ, «Ոսկե բզեզ» մրցանակաբաշխություն, Շվեդիա, 2024

Միքա Գուստաֆսոն  
Ծնվել է 1988-ին Շվեդիայի Լինքյոփինգ քաղաքում։ 2016-ին ավարտել է Վալանդ կինոակադեմիան։ Նույն տարի Կոպենհագենում արժանացել է «Սկանդինավցի տաղանդներ» մրցանակին։ Նրա ավարտական աշխատանքը՝ «Մեֆոբիան», ստացել է Թուրինի ՄԿՓ-ի Պատկերամարտական մրցանակը, ինչպես նաև լավագույն դերակատարման մրցանակ բերել Անժերի դեբյուտային ֆիլմերի եվրոպական ԿՓ-ում։ «Սիլվանա» ֆիլմը 2017-ին նվաճել է լավագույն վավերագրական կինոնկարի համար սահմանված մրցանակը Շվեդիայի ազգային կինոմրցանակաբաշխությունում։ Ժնևի ժամանակակից արվեստի կենտրոնում ներկայացվել է նրա անհատական ցուցահանդեսը։ Միքա Գուստաֆսոնը եղել է Գյոթեբորգի ՄԿՓ-ի «Վիշապ» մրցանակը շնորհող ժյուրիի անդամ (2019), իսկ 2020-ին իր համասցենարիստ Ալեքսանդր Էրսթրանդի հետ մասնակցել Berlinale Script Station-ին։ «Դրախտն այրվում է» ֆիլմը նրա առաջին խաղարկային լիամետրաժ աշխատանքն է։

Ֆիլմացանկ
Գաղտնի նկարահանել եմ սիրածս տղային մեր վեճից հետո (կ/մ, 2013), Մայիսի 22 (կ/մ, 2014), Մեֆոբիա (կ/մ, 2017), Մեֆոբիայով հիվանդ երեխաները (կ/մ, 2017), Սիլվանա (վավ., 2017), Դրախտն այրվում է (2023)․

ԼՈՒՍԱՆԿԱՐՆԵՐ/ԹՐԵՅԼԵՐ