Մոտ ապագայում, երբ գերիշխում է արհեստական բանականությունը,, մարդկային հույզերը դառնում են սպառնալիք։ Դրանցից ազատվելու համար Գաբրիելը պետք է մաքրի իր ԴՆԹ-ն՝ վերադառնալով նախորդ կյանքեր։ Այնտեղ նա վերամիավորվում է իր մեծ սիրո՝ Լուիի հետ։ Բայց նրան տանջում են վախը և մոտալուտ աղետի կանխազգացումը։

Ստեղծագործական կազմը
Պրոդյուսերներ՝ Ժյուստեն Տորան, Բերտրան Բոնելո
Ռեժիսոր՝ Բերտրան Բոնելո
Սցենարի հեղինակներ՝ Բերտրան Բոնելո, Գիյոմ Բրեո, Բենժամեն Շարբի
Օպերատոր՝ Ժոզե Դեզե
Նկարիչ՝ Կատյա Վիշկոպ
Կոմպոզիտորներ՝ Բերտրան Բոնելո, Աննա Բոնելո
Հնչյունային ձևավորող՝ Ժան-Պիեռ Լաֆորս
Մոնտաժող՝ Անիտա Ռոթ
Դերերում. Լեա Սեդու, Ջորջ Մաքքեյ, Գուսլաժի Մալանդա, Դաշա Նեկրասովա, Մարտին Սքալի, Էլինա Լյովենզոն, Մարթա Հոսքինս, Ժյուլիա Ֆոր
Արտադրությունը՝ Les Films du Bélier, My New Picture

Մրցանակներ
Լավագույն դերասանուհի, Վալյադոլիդի ՄԿՓ, Իսպանիա, 2023, Ժյուրիի հատուկ մրցանակ, Լա Ռոշ-սյուր-Յոնի ՄԿՓ, Ֆրանսիա, 2023

Բերտրան Բոնելո
Ծնվել է 1968-ին Նիսում: Նրա աշխատանքը համատեղում է երաժշտության և կինոյի ոլորտները։ 1996-ին Պասոլինիի ինքնակենսագրական գրքի հիման վրա նկարահանել է ստեղծագործական մոտեցմամբ աչքի ընկնող «Ով եմ ես» վավերագրական ֆիլմը։ Բոնելոյի առաջին խաղարկային աշխատանքը՝ «Ինչ-որ օրգանական բանը» (1998), ներկայացվել է Բեռլինի ՄԿՓ-ի«Համայնապատկեր» բաժնում, իսկ հաջորդ աշխատանքը՝ «Պոռնոգրաֆը» (2001), ցուցադրվել է Կաննի ԿՓ-ի «Կինոքննադատների շաբաթում»՝արժանանալով FIPRESCI-ի մրցանակին։ Բոնելոն առաջին անգամ Կաննի ԿՓ-ի պաշտոնական ծրագրին մասնակցել է «Տիրեսիա»-ով (2003), իսկ2008-ին նրա «Պատերազմում» ֆիլմը ցուցադրվել է փառատոնի «Ռեժիսորների երկշաբաթյակում»: Կանոնավորապես մասնակցել է ֆրանսիական ծրագրին՝ ներկայացնելով «Հանդուրժողականության տունը» (2011), «Սեն Լորանը» (2014, այս ֆիլմը ներկայացրել է Ֆրանսիան «Օսկար» մրցանակաբաշխությունում և առաջադրվել տասը «Սեզար»-ի), «Զոմբի երեխան» (2020)։ «Նոկտուրամա»-ի պրեմիերան կայացել է Սան Սեբաստիանի ՄԿՓ-ում (2016), «Կոման» առաջին անգամ ցուցադրվել է Բեռլինում (2022), իսկ «Գազանը» (2023)՝ Վենետիկում։ 2014-ին Բոնելոյին նվիրված ցուցադրություն է կազմակերպվել Փարիզի Պոմպիդու կենտրոնում և թողարկվել է նաև նրա «Պատահարներ» ալբոմը։

Ֆիլմացանկ
Ով եմ ես (կ/մ, 1996), Ինչ-որ օրգանական բան (1998), Պոռնոգրաֆը (2001), Ջեյմսի և Դավիդի արկածները (կ/մ, 2002), Տիրեսիա (2003), Սինդի․ իմ տիկնիկը (կ/մ, 2005), Իմ նոր նկարը (կ/մ, 2006), Պատերազմում (2008), Ուր են տղաները (կ/մ, 2010), Հանդուրժողականության տուն (2011), Ինգրիդ Կավեն․ երաժշտություն և ձայն (վավ., 2012), Սեն Լորան (2014), Որտե՞ղ ես, Բերտրան Բոնելո (2014), Նոկտյուրամա (2016), Սառա Ուինչեսթեր․ օպերայի ուրվականը (կ/մ, 2016), Զոմբի երեխան (2019), Որտե՞ղ ես 2 (կ/մ, 2020), Կոմա (2022), Գազանը (2023):