Երեք միայնակ մարդկանց պատմություն, որոնք 1970-ի ձյունառատ ամանորյա արձակուրդը ստիպված են անցկացնել Ամերիկայի հյուսիս-արևելքում գտնվող գիշերօթիկ դպրոցում։ Մեռած լեզուների չսիրված ուսուցիչ միստր Հանամին ղեկավարությունը ստիպում է արձակուրդն անցկացնել գիշերօթիկում` Վիետնամում զոհված որդու կորուստը սգացող խոհարար Մերիի, ինչպես նաև հանգիստ չտվող, բայց խելացի աշակերտ Անգուսի հետ։ Մինչ այս անհաճո կերպարներն արկածներով ու մանր-մունր միջադեպերով անցկացնում են իրենց Ամանորը, նրանց միջև անսպասելի կապեր են առաջանում՝ ընտանիքի զգացողություն բերելով:

Մրցանակներ
«Օսկար», երկրորդ պլանի լավագույն դերասանուհի, Ամերիկյան կինոակադեմիայի մրցանակաբաշխություն, 2024, Լավագույն դերասան, երկրորդ պլանի լավագույն դերասանուհի, «Ոսկե գլոբուս» մրցանակաբաշխություն, 2024, Երկրորդ պլանի լավագույն դերասանուհի, Բրիտնական կինոակադեմիայի մրցանակաբաշխություն, 2024, Երկրորդ պլանի լավագույն դերասանուհի, «Կինոքննադատների ընտրություն» մրցանակաբաշխություն, ԱՄՆ, 2024, Երկրորդ պլանի լավագույն դերասանուհի, Կինոքննադատների ազգային միության մրցանակաբաշխություն, ԱՄՆ, 2024, Տարվա ֆիլմ, Ամերիկյան կինոինստիտուտի մրցանակաբաշխություն, 2024

Ստեղծագործական կազմը
Պրոդյուսերներ՝ Մարկ Ջոնսոն, Բիլ Բլոք, Դեյվիդ Հեմինգսոն
Ռեժիսոր՝ Ալեքսանդր Փեյն
Սցենարի հեղինակ՝ Դեյվիդ Հեմինգսոն
Օպերատոր՝ Այգիլ Բրիլդ
Նկարիչ՝ Ռայան Ուորեն Սմիթ
Կոմպոզիտոր՝ Մարկ Օրթոն
Հնչյունային ձևավորող՝ Ֆրենք Գաետա
Մոնտաժող՝ Քևին Թենթ
Դերերում. Փոլ Ջամատի, Դեյվայն Ջոյ Ռենդոլֆ, Դոմինիկ Սեսա
Արտադրությունը` Miramax, Gran Via, CAA Media Finance

Ալեքսանդր Փեյն        
Հույն ներգաղթածների թոռ Ալեքսանդր Փեյնը մեծացել է ԱՄՆ-ի Նեբրասքա նահանգում։ Մինչև Կալիֆորնիայի համալսարանը որպես կինոռեժիսուրայի մագիստրոս ավարտելն ուսանել է Սթենֆորդի համալսարանում։ Նկարահանել է ութ լիամետրաժ ֆիլմ, որոնք առաջադրվել են ընդհանուր առմամբ 24 «Օսկար»-ի, այդ թվում` չորս անգամ լավագույն կինոնկարի և երեք անգամ լավագույն ռեժիսուրայի համար սահմանված մրցանակներին։ Փեյնը երկու «Օսկար»-ի է արժանացել «լավագույն էկրանավորման սցենար» անվանակարգում, իսկ նրա վերջին աշխատանքը` «Մնացածները», «Օսկար» է բերել կնոջ երկրորդական դերի լավագույն կատարման համար:

Ֆիլմացանկ
Քաղաքացի Ռութը (1996), Ընտրություն (1999), Շմիդտի մասին (2002), Ճամփեզրին (2004), Հետնորդները (2011), Նեբրասքա (2013), Փոքրացում (2017), Մնացածները (2023)