Ֆիլմը փիլիսոփայական էսսէ է՝ անդրադարձ հետպատերազմյան Հայաստանի ներկային, ուր իրականն ու երեւակայականը խառնվել են իրար, ուր ժողովուրդը ճարահատյալ Փրկիչներ է փնտրում։ Եվ այս իրավիճակում ֆիլմում հայտնված Դոն Կիխոտի կերպարը փաստում է, որ իրականության ու երևակայության սահմանը շատ մոտ է։

Ստեղծագործական կազմը
Պրոդյուսերներ՝ Արսեն Ազատյան, Նարինե Մկրտչյան
Ռեժիսորներ՝ Նարինե Մկրտչյան, Արսեն Ազատյան
Սցենարի հեղինակներ՝ Նարինե Մկրտչյան, Արսեն Ազատյան
Օպերատորներ՝ Էդգար Մեսրոպյան, Արսեն Ազատյան
Նկարիչ-դեկորատոր՝ Գևորգ Պողոսյան
Զգեստների նկարիչ՝ Սուսաննա Տոնոյան
Երաժշտությունը՝ Անտոնիո Վիվալդի, Մարեն Մարե, Ժան-Լուի Դյուպոր, հայկական ժողովրդական մանրանվագներ
Հնչյունային օպերատոր՝ Արմեն Սահակյան
Հնչյունային ձևավորողներ՝ Նարինե Մկրտչյան, Արսեն Ազատյան
Մոնտաժողներ՝ Նարինե Մկրտչյան, Արսեն Ազատյան
Դերերում. Արմեն Աբելյան, Արման Մեջլումյան
Արտադրությունը՝ Aysor-Plus FIlm Productions

Մրցանակներ
Պատվո մրցանակ, Գոայի ՄԿՓ, Հնդկաստան, 2024

Նարինե Մկրտչյան
Արսեն Ազատյան
Ավարտել են Երևանի հայկական պետական մանկավարժական ինստիտուտի կուլտուրայի ֆակուլտետի կինոռեժիսորական բաժինը: 1981-ից մինչեւ 1990 թ. աշխատել են «Հայֆիլմ» կինոստուդիայում, որտեղ իրենց սցենարներով որպես կինոռեժիսոր նկարահանել են հինգ կարճամետրաժ ֆիլմ։ 1990-ին հիմնել են «Այսօր-Պլյուս» ֆիլմարտադրությունը։ 1981-ից ի վեր իրականացրել են վեց լիամետրաժ և տասնմեկ կարճամետրաժ կինոնկար, որոնք մասնակցել են Բեռլինի, Ռոտտերդամի Լոկառնոյի, Գոայի, Կահիրեի, Էդինբուրգի, Սիդնեյի, Պուսանի, Ֆաջր, Գյոթեբորգի, Տոարմինայի, Օդենսեի, Կալկաթայի, Մոնրեալի, Տարագոնայի, Հյուսթոնի, Լուիզվիլի, Հայնանի, Ուրուգվայի և այլ փառատոների։

Ֆիլմացանկ
Ինքնադիմանկար (կ/մ, 1981), Նատյուրմորտ (կ/մ, 1981), Ես ծովացուլ եմ (կ/մ, 1984), Անակնկալ (կ/մ, 1986), Բագատել (կ/մ, 1988), Սեվ խոռոչներ (կ/մ, 1989),  Պահապան հրեշտակ (կ/մ, 1990), Բոբո (1991), Ռադիո Երևան (1993), Սուրբ ծնունդ (կ/մ, 2002), Սուսերով պարը (կ/մ, 2002), Ճամփեզրին (կ/մ, 2004),Անդրեյ (կ/մ, 2006), Անառակ որդու վերադարձը (2008), Ապակե կախազարդը (2013), Նրա մասին, կամ թե ինչպես նա չվախեցավ արջից (2019), Դոն Կիխոտին սպասելիս (2024):