25-ամյա Սաթենիկն օրեր շարունակ դիտում է պատերազմական տեսանյութերը՝ փորձելով գտնել եղբորը, որն անհետ կորած է 2020-ի ղարաբաղյան պատերազմից հետո։ Նա օգնում է նաև մյուս անհետ կորածների ընտանիքներին, որոնք նույն վիճակում են։ Բոլոր տեսագրություններում մեծ մասամբ նույն կադրերն են՝ գերիներին ծեծում են, այնուհետև հրապարակավ գլխատում։ Պատմությունը սկսվում է այն օրվանից, երբ Սաթենիկը գերի զինվորներին պատկերող կադրերում նկատում է և ճանաչում ընկերուհու որդուն։ Դրանից հետո արդեն Սաթենիկին տեսնում ենք այդ տղայի հուղարկավորության ժամանակ, որը խորապես ցնցում է նրան։ Տղային գլխատել են։ Հուղարկավորությունից հետո ծանր ապրումները շարունակում են մնալ նրա ենթագիտակցության մեջ։ Սաթենիկը մղձավանջային երազներ է տեսնում եղբոր մասին և արթանանում մարդկանցով լի ավտոբուսում։ Ուղևորներից երկուսը սկսում էն վիճել պատուհանը բացելու թեմայով, բայց վեճն աստիճանաբար վերածվում է քաղաքական բանավեճի Հայաստանի ներկա իրավիճակի մասին։ Սաթենիկը փորձում է չմիջամտել վեճին, բայց ուղևորներից մեկի դաժան ակնարկը հունից հանում է նրան:

Ստեղծագործական կազմը
Պրոդյուսերներ՝ Օֆելյա Թովմասյան, Վարդան Հակոբյան
Ռեժիսոր՝ Օվսաննա Գևորգյան
Սցենարի հեղինակ՝ Օվսաննա Գևորգյան
Օպերատոր՝ Արթուր Ուստյան
Նկարիչ՝ Լուսինե Սարգսյան
Հնչյունային ձևավորող՝ Դանե Վլայսավլյևիչ
Մոնտաժող՝ Օվսաննա Գևորգյան
Դերերում. Սաթենիկ Հովսեփյան
Արտադրությունը՝ Creative Production Llc, Servia Film, ForgradeDoo

Օվսաննա Գևորգյան
Սցենարիստ և ռեժիսոր։ Երևանի պետական համալսարանի ժուռնալիստիկայի ֆակուլտետն ավարտելուց հետո մեկնել է Նյու Յորք՝ Քոլամբիա համալսարանի արվեստի դպրոցում կինոռեժիսուրա ուսանելու։ Նրա առաջին խաղարկային նախագիծը՝ «Սիրտս նման է էն փլած տներ»-ը, ընտրվել է Հայ-թուրքական կինոհարթակի փիչինգային աշխատարանի համար։ Գրիգորյանի «Տունդարձի ճանապարհ չկա» կարճամետրաժ ֆիլմը հայկական կինոծրագրի շրջանակում ցուցադրվել է Լինքոլն կենտրոնում։ Նրա «Ասք ցավագար այգեպանի մասին» կարճամետրաժի միջազգային պրեմիերան կայացել է Լոնդոնի Ռեյնդենս ՄԿՓ-ում։ Ֆիլմը ներկայացվել է նաև Երևանի «Ոսկե ծիրան» ՄԿՓ-ի և Թորոնթոյի «Նուռ» ԿՓ-ի պաշտոնական ծրագրերում:

Ֆիլմացանկ
Ուխտավորը (կ/մ, 2014), Դուստրը (կ/մ, 2015), Բաժանում (կ/մ, 2015), Օվկիանոս (կ/մ, 2015), Անխոցելի կնոջ օրագրից (կ/մ, 2016) Տունդարձի ճանապարհ չկա (կ/մ, 2018), Ասք ցավագար այգեպանի մասին (կ/մ, 2019), Վարտիքավոր ամպը (կ/մ, 2021), Որբություն (կ/մ, 2022), Անգլուխ ձիավորներ (կ/մ, 2019)։