2020-ի ղարաբաղյան պատերազմի ժամանակ զոհված սիրելի որդու՝ Վարդանի մահից հետո Ռոզան և նրա ամուսինը՝ Ակսելը, որոշում են ևս մի որդի ունենալ՝ Վարդանի հիշատակը կենդանի պահելու համար։ Սակայն նրանց դեռահաս դուստրը՝ Անին, դեմ է այս մտքին, քանի որ եղբոր մահվանն առնչվող բոլորովին այլ ապրումներ ունի։

Ստեղծագործական կազմը
Պրոդյուսերներ՝ Մկրտիչ Բարոյան, Արթուր Սուքիասյան
Ռեժիսոր՝ Արթուր Սուքիասյան
Սցենարի հեղինակներ՝ Արտավազդ Եղիազարյան,Արթուր Սուքիասյան
Օպերատոր՝ Մոեյնոդդին Ջալալի
Նկարիչ՝ Էլինա Աբովյան
Երաժշտությունը՝ The Deenjes
Հնչյունային ձևավորողներ՝ Արսեն Հակոբյան, Հայկ Իսրայելյան, Արտուշ Ավետիսյան
Մոնտաժողներ՝ Արմեն Բազինյան, Արթուր Սուքիասյան
Դերերում. Հասմիկ Սուվարյան, Վարագ Գևորգյան, Գոհար Պողոսյան
Արտադրությունը՝ Kinoket Productions

Արթուր Սուքիասյան 
Ծնունդով գյումրեցի անկախ ռեժիսոր։ Տարբեր երկրներում մասնակցել է կինոսեմինարների, աշխատել որպես կինոռեժիսոր և հետազոտող։ Լոս Անջելեսի USC կինոարվեստի դպրոցի վավերագրական կինոյի AFS միջազգային աշխատարանի շրջանավարտ է։ Նրա առաջին լիամետրաժ վավերագրական ֆիլմը՝ «Մեր Ատլանտիդան», ցուցադրվել է մի շարք միջազգային կինոփառատոներում, իսկ Թորոնթոյի «Նուռ» ԿՓ-ում արժանացել լավագույն վավերագրական ֆիլմի համար սահմանված մրցանակին, ինչպես և «Հանդիսատեսի ընտրություն» մրցանակին։ «Վերք» վավերագրական կաարճամետրաժի համաշխարհային պրեմիերան կայացել է Visions du Réel ՄԿՓ-ում (2019): Ֆիլմը  վաստակել է կովկասյան ծրագրի լավագույն կինոնկարի համար նախատեսված մրցանակը Թբիլիսիի վավերագրական կինոյի ՄԿՓ-ում (2019) և «Իրական կյանքի լավագույն կինոդիմանկար» ճանաչվել «Ոսկե ծիրան»-ում (2019)։ Սուքիասյանի Lumen Naturae նոր կարճամետրաժ աշխատանքն ընդգրկվել է Կաննի «Քննադատների շաբաթ» ծրագրի կարճ ցանկում:  

Ֆիլմացանկ
8-րդ օրը (2006), Հանդիպում (2008), Երևանի սիրուն տղա (2010), Աղավնիների վարպետը (վավ., 2010), Ութ րոպե Հայաստան (վավ., 2011), Մեր Ատլանտիդան (վավ., 2014), Վերք (կ/մ, 2019), Lumen Naturae (կ/մ, 2024):