Լեռնային Ղարաբաղի Հանրապետությունը մոտ է իր գոյությունը դադարեցնելուն։ Ռադիոն հաղորդել է լուրը, հեռվում մուգ ծուխ է երևում, և լսվում է կրակոցների ու պայթյունների շարան։ Լեռներում ծվարած մի փոքրիկ գյուղ արդեն գրեթե լքված է, լսվում է միայն մի քանի լքված շների հաչոցը։ Նախկին զինվորական Արամը մնացել ու փորձում է համոզել իր հաշմանդամ մորը հեռանալ։ Բայց անտարբեր կինը չի արձագանքում նրա ջանքերին և կարծես հաշտվել է ճակատագրի հետ։ Ադրբեջանական բանակը մոտենում է, և Արամը շուտով ստիպված կլինի դժվար որոշում կայացնել։

Ստեղծագործական կազմը
Պրոդյուսեր՝ Ագատա Գոլանսկա
Ռեժիսոր՝ Գոռ Առուշանյան
Սցենարի հեղինակ՝ Գոռ Առուշանյան
Օպերատոր՝  Միխալ Շարանովիչ
Նկարիչ՝ Անի Իվանյան
Հնչյունային ձևավորողներ՝ Օլգա Զալևսկա, Յանեկ Օլեյնիչակ
Մոնտաժող՝ Կառոլ Քշիշտոֆ Պյասեցկի
Դերերում. Լեռնիկ Հարությունյան, Նարինե Ոսկանյան:
Արտադրությունը՝ The Polish National Film School in Lodz

Գոռ Առուշանյան       
Ռեժիսոր, սցենարիստ և բեմադրող նկարիչ: Ծնվել է 1999–ին Երևանում։ Սովորել Փ․ Թերլեմեզյանի անվան գեղարվեստի պետական քոլեջում, ապա երկու տարի ծառայել Հայաստանի զինված ուժերում։ Մի քանի անհատական ​​ցուցահանդես է ունեցել Երևանում և մասնակցել ժամանակակից արվեստի բազմաթիվ ցուցահանդեսների Եվրոպայում և ԱՄՆ-ում։ 2020–ին տեղափոխվել է Լեհաստան՝ Լոձի կինոդպրոցում սովորելու։ Շարունակում է աշխատել սեփական ֆիլմերի վրա։ Նրա գործերը միատեղում են իր մշակութային և ռազմական փորձառությունը արդի եվրոպական ազդեցությունների հետ՝ տեսողական արվեստի ու կինոյի միջոցով ուսումնասիրելու հիշողության, ինքնության և փոխակերպման շերտերը։

Ֆիլմացանկ
Սև խոռոչ (վավ., 2024), Մայրենիք (կ/մ, 2025):