Կինոռեժիսոր Ալի Խամրաևը օպերատոր Յուրի Կլիմենկոյի ուղեկցությամբ խորանում է արխիվներում և մեկնում Հայաստան ու Վրաստան՝ մեծարելու Սերգեյ Փարաջանովին՝ կինոյի հսկաներից մեկին, որի աշխարհընկալումն ու դիմադրությունը պայմանականություններին վեր էին բոլոր սահմաններից:

Ստեղծագործական կազմը
Պրոդյուսերներ՝ Գարսև Խաչատրյան, Ալի Խամրաև
Ռեժիսոր՝ Ալի Խամրաև
Սցենարի հեղինակ՝ Ալի Խամրաև
Օպերատոր՝ Յուրի Կլիմենկո
Հնչյունային ձևավորող՝ Գուլբուստան Թաշբաևա
Մոնտաժողներ՝ Ռախմաթիլա Յակուբով, Վարդան Խաչատրյան
Արտադրությունը՝ Old World Company Armenia, Prostudio MGMT S.R.L.

Ալի Խամրաև (ծնվ․ 1937, Ուզբեկստան)
Ոզբեկ դերասան, ռեժիսոր, սցենարիստ և պրոդյուսեր։ Ծնվել է 1937–ին Ուզբեկստանում: 1961–ին ավարտել է Մոսկվայի Կինեմատոգրաֆիայի համամիութենական պետական ինստիտուտը (ՎԳԻԿ)։ Նկարահանել է ավելի քան 30 վավերագրական և ավելի քան 20 լիամետրաժ ֆիլմ, որոնց համար արժանացել է բազմաթիվ կոչումների և մրցանակների, այդ թվում՝ Ուզբեկստանի վաստակավոր արտիստի կոչմանը։ Առավել հայտնի է «Սիրում է, չի սիրում» (1964), «Յոթերորդ փամփուշտը» (1972), «Թիկնապահը» (1979) և «Հարսնացու Վուոդիլից» (1984) ֆիլմերով։

Ֆիլմացանկ (ընտրանի)
Սիրում է, չի սիրում (1964), Առանց երկյուղի (1971), Յոթերորդ փամփուշտը (1972), Մարդը գնում է թռչունների հետևից (1976), Եռապատկեր (1977), Թիկնապահը (1979), Շոգ ամառ Քաբուլում (1983), Հարսնացու Վոդիլից (1984), Ես հիշում եմ քեզ (1985), Ցանկությունների պարտեզը (1988), Բո Բա Բու (1998), Տեղ արևի տակ (2004), Արտիստները (2007), Իգոր Սավիցկու կիրքը (վավ., 2015), Փարաջանովի յասամանագույն քամին (վավ․ 2024):