Ժամանակակից եթովպական մեծ նվագախմբի պատմությունը սկսվում է այն ժամանակներից, երբ Երուսաղեմ կատարած այցելության ժամանակ Եթովպիայի կայսր Հեյլե Սելասիեն լսում է հայ երեխաների փողային նվագախմբի կատարումները և այնքան է հիանում, որ որոշում է որդեգրել այդ 40 երեխաներին, որոնք որբացել էին Հայոց ցեղասպանության հետևանքով։ Հենց այս 40 երեխաներն էլ դառնում են Եթովպիայի առաջին թագավորական նվագախմբի անդամները և հետագայում ճանապարհ հարթում երկրի առաջին ազգային օրհներգի երաժշտության, փողային գործիքների հանրահռչակման, իսկ տասնամյակներ անցնաև ջազային հեղափոխության համար, որը տարածվել էր ամբողջ երկրում մինչև Դերգի կոմունիստական վարչակարգի ճիրաններում հայտնվելը։ Եթովպացի հայտնի ջազային երաժիշտներ Ալեմայեհու Էշետի, Մուլատու Աստատկեի, Գիրում Մեզմուրի, ինչպես նաև Սեմմի Յիրգայի մասին պատմություններով և Ադիս Աբեբայի միակ եթովպահայ երգիչ/երաժիշտ Վահեի մասնակցությամբ «Թեզետա» ֆիլմը բացում է երաժշտական հուշերիդուռը՝ պատմելով սիրելի ուսուցչի և ոսկե երաժշտական դարաշրջանի մասին, որն արդեն մոռացվել է շատերի կողմից։

Ստեղծագործական կազմը
Պրոդյուսերներ՝ Արամազդ Քալայջյան, Վահան Խաչատրյան, Մարի Կլեր Անդրեա
Ռեժիսորներ՝ Արամազդ Քալայջյան, Գարեգին Պապոյան
Սցենարի հեղինակ՝ Արամազդ Քալայջյան
Օպերատոր՝ Անդրանիկ Սահակյան
Երաժշտությունը՝  Ալեմայեհու Էշեթե, Սեյֆու Յոհաննես, Գետաչև Մեքուրիա, Վահե Թիլբյան, Գիրում Մեզմուրի Addis Acoustic Project խումբը և այլն
Հնչյունային ձևավորող՝ Արմեն Բազարյան
Մոնտաժողներ՝Արամազդ Քալայջյան, Գարեգին Պապոյան
Նկարահանվել են Ֆրենսիս Ֆալցետոն, Ալեմայեհու Էշետը, Մուլատու Աստատկեն, Ամեհա Էշետը, Գիրում Մեզմուրը, Վահե Թիլբյանը, Արամազդ Քալայջյանը:
Արտադրությունը՝ I.C. Penguins, Open Studio

Մրցանակներ
Հանդիսատեսի ընտրություն, Ադիսի ՄԿՓ, Ադիս Աբեբա, Եթովպիա, 2024

Արամազդ Քալայջյան
Ծնվել է 1982-ին Նյու Յորքում: Ուսանել է Բրուքլինի Փրաթ ինստիտուտում (Նյու Յորք), որտեղ ստացել է գեղարվեստի բակալավրի աստիճան հաղորդակցային դիզայն մասնագիտությամբ։ «Թեզետաn» նրա դեբյուտային ֆիլմն է երաժշտական վավերագրության ժանրում, նկարահանվել է մեկ տասնամյակի ընթացքում։ Մինչև Արևելյան Հարլեմի Մեյսլս ինստիտուտ հաճախելը և անկախ վավերագրական ռեժիսուրա ուսնելը Քալաջյանը հիմնականում աշխատել է գովազդի ոլորտում; Հետագայում երաժիշտ Վահեի մսնակցությամբ տեսահոլովակ է նկարահանել,որը տարածվել է ամբողջ Աֆրիկայում։ Այժմ Քալաջյանը բնաակվում է Նյու Յորքում և Երևանում, աշխատում տաքսիստններին վերաբերող պատմությունների շարքից բաղկացած սցենարի, ինչպես նաև մի վավերագրական ֆիլմի վրա, որն անդրադառնում է ճարպակալմանը՝՝ արդի աշխարհի խնդիրներից մեկին: 

Ֆիլմացանկ
Թեզետա (վավ., 2024):

Գարեգին Պապոյան (ծնվ․ 1985, Երևան)
Ծնվել է 1985-ին Երևանում: Ուսանել է Հայաստանի տնտեսագիտական պետական համալսարանում և 10 տարի աշխատել հաղորդակցության ոլորտում։ Ավելի քան հինգ տարվա փորձ ունի վավերագրական լուսանկարչության բնագավառում։ Մեկ տարի աշխատել է «Շողակաթ» հեռուստաալիքում և տարբեր հեռուստածրագրերի ու ֆիլմերի ռեժիսոր եղել։ Իր առաջին վավերագրական կարճամետրաժը՝ «Սխտորաշենը», նկարահանել է 2015-ին։ 2021-ին ավարտել էհաջորդ աշխատանքը՝ «Բարի թռիչքը», որը նրա առաջին լիամետրաժն է: Այժմ աշխատում է «Փնտրելով կինո» վավերագրական ֆիլմի վրա, որը պատրաստ կլինի 2025-ին։ Բացի դրանից, Գարեգին Պապոյանը մասնակցում է հայկական դասական կինոնկարների վերականգնման աշխատանքին («Երկիր Նաիրի», «Տունը հրաբխի վրա», «Լուր -դա-Լուր»)։

Ֆիլմացանկ
Սխտորաշեն (վավ., 2015), Բարի թռիչք (վավ., 2020), Թեզետա (վավ., 2024):