Նրա սառցասառը համբույրը խոցում է սիրտը… 1970-ականներ: Փախստական Ժաննան գերվում է Քրիստինայի՝ «Ձյունե թագուհին» ֆիլմի առեղծվածային աստղի հմայքով: Ֆիլմը նկարահանվում է այն ստուդիայում, որտեղ Ժաննան ապաստան է գտել։ Դերասանուհու և աղջկա միջև փոխադարձ հրապուրանք է առաջանում

Ստեղծագործական կազմը
Պրոդյուսեր՝ Մյուրիել Մեռլեն
Ռեժիսոր՝ Լյուսիլ Հաջիհալիլովիչ
Սցենարի հեղինակներ՝ Ջեֆ Քոքս, Լյուսիլ Հաջիհալիլովիչ, Ալանտե Կավայտե
Օպերատոր՝ Ժոնաթան Ռիքըբուր
Նկարիչներ՝ Ջուլիա Իռիբառիա, Սառա Դըվեպ
Հնչյունային ձևավորողներ՝ Էտիեն Օգ, Քեն Յասումոտո
Մոնտաժող՝ Նասիմ Գորջի-Թեհրանի
Դերերում. Մարիոն Կոտիյար, Կլարա Պաչինի, Աուգուստ Դիլ, Գասպար Նոե
Արտադրությունը՝ Sutor Kolonko, Davis Films, Arte France Cinéma, Bayerischer Rundfunk, 38 Productions

Մրցանակներ
«Արծաթե արջ» ակնառու գեղարվեստական ներդրման համար, Բեռլինի ՄԿՓ, 2025

Լյուսիլ Հաջիհալիլովիչ       
Մանկությունն ու պատանեկությունն անց է կացրել Մարոկկոյում, ապա տեղափոխվել Փարիզ, որտեղ արվեստի պատմություն, այնուհետև կինոարվեստ է ուսանել Կինեմատոգրաֆիայի բարձրագույն դպրոցում (այժմ՝ La Fémis)։ 1990-ականների սկզբին հիմնել է Les Cinemas de la Zone կինոընկերությունը Գասպար Նոեի հետ՝ համատեղ աշխատելով «Լեշ» և «Մենակ բոլորի դեմ» ֆիլմերի վրա։ Նրանց համագործակցությունը շարունակվել է Նոեի «Մուտք դատարկություն» ֆիլմի սցենարը գրելիս։ 1996–ին Հաջիհալիլովիչը սեփական սցենարով նկարահանել է, մոնտաժել և թողարկել «Ժան-Պիեռի շուրթերը» («Միմի») 52–րոպեանոց ֆիլմը, որը ցուցադրվել է Կաննի ԿՓ–ի «Հատուկ հայացք» ծրագրում։ 2004–ին դարձյալ սեփական սցենարով կյանքի է կոչել իր առաջին լիամետրաժ աշխատանքը՝ «Անմեղությունը»՝ ըստ Ֆրանք Վեդեքինդի «Մինե-Հահա» պատմվածքի (գլխ. դերում՝ Մարիոն Կոտիյար)։ Ֆիլմը, ի թիվս բազմաթիվ այլ պարգևների, լավագույն նոր ռեժիսորի համար սահմանված մրցանակն է բերել Սան Սեբաստիանի ՄԿՓ–ում։ 2015–ին Հաջիհալիլովիչը Ավանտե Կավայտեի համահեղինակությամբ գրած սցենարով նկարահանել է «Էվոլյուցիան»։ Ֆիլմի պրեմիերան կայացել է Թորոնթոյի ՄԿՓ–ում, իսկ Սան Սեբաստիանի ՄԿՓ–ում «Էվոլյուցիան» արժանացել է Ժյուրիի հատուկ մրցանակին և լավագույն օպերատորական աշխատանք ճանաչվել (օպերատոր՝ Մանյուել Դակոս)։ 2022–ին Բրայան Քեթլինգի համանուն վեպի հիման վրա Ջեֆ Քոքսի հետ գրած սցենարով նկարահանված «Ականջմտուկը» (գլխ․ դերերում՝ Փոլ Հիլթոն, Ռոմոլա Գարաի, Ալեքս Լութեր), արժանացել 1 Սան Սեբաստիանի ՄԿՓ–ի Ժյուրիի հատուկ մրցանակին։ Հաջիհալիլովիչը նկարահանել է նաև «Լավ տղաները» (1998), «Նեկտար» (2014) և «De natura» (2018) կարճամետրաժ ֆիլմերը, որոնք բոլորն էլ ներկայացվել են բազմաթիվ փառատոներում։ Նրա չորրորդ լիամետրաժ աշխատանքը՝ «Սառցե աշտարակը», վերամիավորել է ռեժիսորին Մարիոն Կոտիյարի հետ։ Ֆիլմի պրեմիերան կայացել է 2025–ին Բեռլինի ՄԿՓ–ում։
Ֆիլմացանկ
Նոնոյի առաջին մահը (կ/մ, 1987), Միմի (1997), Լավ տղաները (կ/մ, 1998), Անմեղություն (2004), Նեկտար (կ/մ, 2014), Էվոլյուցիա (2015), De natura (կ/մ, 2018), Ականջմտուկ (2022), Սառցե աշտարակը (2025):