Հիվանդ մորն այցելելու համար ինքնամփոփ Մեթյուն թողնում է Մոնրեալը և վերադառնում հայրենի Վինիփեգ։ Բայց ժամանակն ու տարածությունը կարծես շրջվել են այս աբսուրդ, անվրդով կատակերգության մեջ. մեկուսի կանադական մեգապոլիսում չգիտես ինչու, բոլորը խոսում են պարսկերեն։ Եվ ինչպես Քիառոսթամիի ֆիլմում, երկու երեխա ուղևորվում են որոնումների, որոնց մեջ ներգրավվում է նաև Մեթյուն։ Սա և՛ իրանական մշակույթի հանդեպ տածած սիրո խոստովանություն է, և՛ խոհեր Կանադա կոչվող անորսալի հսկայի հետաքրքիր աշխարհագրական ու հոգևոր տարածքի մասին։

Ստեղծագործական կազմը
Պրոդյուսեր՝ Սիլվեն Կորբեյ
Ռեժիսոր՝ Մեթյու Ռենքին
Սցենարի հեղինակներ՝ Մեթյու Ռենքին, Փիրուզ Նեմաթի, Իլա Ֆիրուզաբադի
Օպերատոր՝ Իզաբել Ստաշչենկո
Նկարիչ՝ Լուիզա Շաբաս
Կոմպոզիտորներ՝ Ամիր Ամիրի, Քրիսթոֆ Լամարշ-Լըդու
Հնչյունային ձևավորողներ՝ Պաբլո Վիլյեգաս, Սաշա Ռեթէլիֆ, Բեռնարդ Գարիեպի Շտրոբլ
Մոնտաժող՝ Սի Ֆեն
Դերերում. Ռոժինա Էսմայելի, Սաբա Վահեդյուսեֆի, Մանի Սոլեյմանլու,Մեթյու Ռենքին, Փիրուզ Նեմաթի

Մրցանակներ
Հանդիսատեսի մրցանակ, «Ռեժիսորական երկշաբաթյակ» ծրագիր, Կաննի ՄԿՓ, 2024

Մեթյու Ռենքին 
Ծնվել է Վինիփեգում և պատմություն ուսանել Մաքգիլ և Լավալ  համալսարաններում։ Քառասուն ֆիլմի ռեժիսոր է, որոնք ներկայացվել են հեղինակավոր միջազգային կինոփառատոներում։ Նրա առաջին լիամետրաժ խաղարկային աշխատանքը՝ «Քսաներորդ դարը», 2020-ին Բեռլինի ԿՓ-ոււմ արժանացել է FIPRESCI-ի մրցանակին և լավագույն կանադական խաղարկային ֆիլմ ճանաչվել 2019-ին Թորոնթոյի ՄԿՓ-ում։ Ռենքինը մշտական բմակատեղի չունի, բայց հաճախ հանգրավանում է Մոնրեալում։ 

Ֆիլմացանկ (ընտրանի)
Ութոտնուկի գործոնը (կ/մ, 2005), Ո՞ւր է Մորիսը (կ/մ, 2006), Ես երազում եմ Դրիֆթվուդի մասին  (կ/մ, 2008), Շարհե-Հալե Շախսի. Մ․ Ռենքին (կ/մ, 2008), Անասունների կանչը (կ/մ, 2008), Հիդրո-Լևեսկ (կ/մ, 2010), Նեգատիվիփեգ (կ/մ, 2010), Tabula Rasa (կ/մ, 2012), Մինարսկու մահացու բեռը (կ/մ, 2014), Վալտեր Բոդրոյի արմատական արշավախմբերը  (կ/մ, 2015), Տեսլայի աշխարհի լույսը (կ/մ, 2017), Քսաներորդ դարը (2019), Հանգստի քաղաքապետարանային մոդուլը (կ/մ, 2022), Համընդհանուր լեզու (2024):