Սինոփսիս
Վեցամյա տարագրություն, 948 դիալիզ, 2000 ներարկում։ Մերուժանն իր ուղեկիցների հետ սպասում է փոխպատվաստման և բնակության իրավունքի։ Առասպելական պատումի և բյուրոկրատական անհեթեթության միջև ֆիլմը հետևում է նրանց կենաց պայքարին: Իրականությունից կառչելու և հուսահատությունից փրկվելու համար նրանք դիմում են սիմվոլիկ շարժումների, հումորի և ծիծաղում նույնիսկ մահվան վրա։

Մրցանակներ
Բելգիացի հեղինակների, կոմպոզիտորների և հրատարակիչների ընկերակցության (SABAM) մրցանակ (լավագույն ռեժիսոր), Հազարամյակի փառատոն, Բրյուսել, 2022

Ստեղծագործական կազմը
Պրոդյուսեր` Ժոել Քուրց
Ռեժիսոր՝ Քրիս Պելըրեն
Սցենարի հեղինակ՝ Քրիս Պելըրեն
Օպերատորներ՝ Նաստասյա Սերեն, Ժյուլիեն Տիեբո, Լոիկ Կառերա, Քրիս Պելըրեն
Երաժշտությունը` Էրվե Էկի
Հնչյունային ձևավորող՝ Ստեֆանի Օրթլի
Մոնտաժողներ՝ Ժյուլիետ Կերգոա, Մարիաննա Ռոմանո
Նկարահանվել են Մերուժան Գուլյանը, Ժոզեֆ Հակոբյանը, Նեջիբ Հյուսմենը, Դրանաֆիլ Լոշաջը, Արդիանա Բայրաքթարին:
Արտադրությունը՝ Brussels Video Center

Քրիս Պելըրեն
Ֆրանսիացի ռեժիսոր: Ծնվել է Բրետանի խորքերում 1970-ին: Մի քանի տարի Անգլիայում և Իտալիայում անցկացնելուց հետո, որտեղ թատրոն և արտասահմանյան գրականություն է ուսանել, ինքնուրույն սկսել է զբաղվել գծանկարով ու գեղանկարչությամբ։ Վերադառնալով Ֆրանսիա՝ 1994-ին ընդունվել է Կանի գեղարվեստի ակադեմիա: Շարունակել է նկարել և ամեն օր տեսանկարահանումներ արել: Դրոշմված անցողիկից, մանր բաներից, որոնցից երևան է գալիս նվիրականը, որոշել է ստեղծել պլաստիկ և տեսողական փորձերի լաբորատորիաներ փակ կամ պատժիչ հատատություններում՝ բանտում, հոգեբուժությունում, ծերանոցում… Նրա ֆիլմերի հերոսներն են դառնում մեր հասարակության լուսանցքում հայտնված արարածները, որոնք մասնակցում են ստեղծագործական ընթացքին և իրենց մասին պատմում խոսքերից անդին դրսևորվող այն ամենով, ինչ բխում է յուրաքանչյուրի անձնականից ու եզակիությունից:

Ֆիլմացանկ
Ամրոցի ներսը (կ/մ, 2012), Ջրհեղեղին սպասելիս (2022):