Ավելի քան մեկ տասնամյակ անց Ֆարան վերադառնում է Լիբանանի Տրիպոլի քաղաքը՝ տարեց, այրիացած հորը` Մուստաֆային խնամելու, բայց հարազատ քաղաքը ճգնաժամի մեջ է։ Սերնդային տարբերությունները հաճախ հանգեցնում է վեճերի երկրի քաղաքական անկայունության շուրջ՝ դժվարացնելով շփումը հոր ու դստեր միջև։ Բայց փոխըմբռնման այս բացակայության մեջ հումոր կա և իրար հասկանալու ձգտում։ Մուստաֆան իր գաղտնի ապաստանն ունի՝ զուտ տղամարդկանցից կազմված մի բանաստեղծական խմբակ, որը կազմված է համառ, բայց և դուրեկան անդամներից, նրանք ամեն շաբաթ հավաքվում են դասական արաբերենով բանաստեղծություններ կարդալու, քաղցրավենիք վայելելու և ամեն ինչի շուրջ վիճաբանելու։ Հոր հետ հարաբերությունները հարթելու համար Ֆարան որոշում է միանալ խմբակին և խոսել բանաստեղծական տողերով՝ նրա ներսի պոետի հետ հաղորդակցվելու համար։ Մինչ Մուստաֆայի առողջությունը վատանում է, իսկ երկրով մեկ 2019-ի հոկտեմբերի հեղափոխությունն է բռնկվում, պոեզիան դառնում է մի վերջին զրույցի նրանց հնարավորությունը:

Ստեղծագործական կազմը
Producer: Cynthia Choucair
Director: Farah Kassem
Script: Farah Kassem
Director of Photography: Tebbe Schöningh
Production Design: Nour Jarrous
Music: Jon Sensmeier
Sound: Cedric Kayem
Editor: Anders S. Jepsen
Production: Road2Films, in co-production with The Good Company Pictures, Al Jazeera Documentary Channel

Մրցանակներ
Հատուկ հիշատակում, Visions du reel ՄԿՓ, Նիոն, Շվեյցարիա, 2024

Ֆարա Կասեմ     
Լիբանանի Տրիպոլի քաղաքում ծնված Ֆարա Կասեմն ավարտել է Լիբանանաի գեղարվեստի ակադեմիայի լսատեսողական բաժինը և DocNomads-ի վավերագրական կինոռեժիսուրայի դասընթացը: Միաժամանակ ռեժիսոր է և մոնտաժող, իսկ այժմ Լյովենի կաթոլիկական համալսարանի ճարտարապետական ֆակուլտետում նախապատրաստում է իր թեկնածուական թեզը: Նա նկարահանել է մրցանակների արժանացած մի քանի վավերագրական ֆիլմ, որոնք ցուցադրվել են այլևայլ միջազգային կինոփառատոներում (Visions du Réel, Վարշավայի ԿՓ, DOK Leipzig, Դուբայի ՄԿՓ և շատ ուրիշներ)։ «Մենք ներսում ենք» ֆիլմը Ֆարա Կասեմի առաջին լիամետրաժ աշխատանքն է։

Ֆիլմացանկ
Հայրս նման է Աբդել Նասերին (կ/մ, 2012), Վերացնել Շերբեկին (2017), Քեզնից ավելի լավ պատուհան կստացվի, քան դուռ (կ/մ, 2017), Ի գործ («Մարիաննա» դրվագը, վ/ս, 2022), Մենք ներսում ենք (վավ., 2024)։