Երիտասարդ ռեժիսորը վերադառնում է իր հայրենի քաղաքը և փորձում վերականգնել հարաբերությունները հոր հետ, մինչ համաճարակը արագորեն տարածվում է Բրազիլիայում։ Սակայն հարաբերություններն ավելի բարդ են, քան թվում էր, և որքան նրանք մտերմանում են, այդքան ավելի ու ավելի շատ տարօրինակ բաներ են երևան գալիս։

Ստեղծագործական կազմը
Պրոդյուսեր՝ Տիսիանա Աուգուստու Լիմա
Ռեժիսոր՝ Գուտու Պարենտի
Սցենարի հեղինակ՝ Գուտու Պարենտի
Օպերատոր՝ Լինգա Ակասիու
Նկարիչ՝ Տաիս Աուգուստու
Կոմպոզիտորներ՝ Ույրա դուս Ռեյս, Ֆաֆա Նասիմենտու
Հնչյունային ձևավորողներ՝ Լուկաս Կուելյու, Պաուլու Գամա
Մոնտաժողներ՝ Վիկտոր Կոստա Լոպիս, Գուտու Պարենտի, Տիսիանա Աուգուստու Լիմա
Դերերում. Լուկաս Լիմեյր, Կառլուս Ֆրնսիսկու, Տարզիա Ֆիրմինու,Ռիտա Կաբասու, Ռենան Կապիվարա, Անա Մառլենի
Արտադրությունը՝ Tardo Filmes

Մրցանակներ
Լավագույն ֆիլմ, լավագույն կինոերաժշտություն, Հավանայի ԿՓ, Կուբա, 2023, Միջազգային մրցույթի լավագույն խաղարկային ֆիլմ, լավագույն օպերատորական աշխատանք, լավագոււյն սցենար, լավագույն դերակատարում, Փրայբեքա ԿՓ, ԱՄՆ, 2023, Լավագույն սցենար, երկրորդ պլանի լավագույն դերակատար, Ռիո դե Ժանեյրոյի ՄԿՓ, 2023

Գուտու Պարենտի     
Ռեժիսոր, սցենարիստ և մոնտաժող Գուտու Պարենտին (ծնվ․ 1983-ին Ֆորտալեզայում) մեկ տարի կինո է ուսանել Ֆորտալեզայի լսատեսողական դպրոցում, նկարիչների Ալումբրամենտու խմբի անդամ եղել (2008-16), իսկ 2012-ից ի վեր Tardo Filmes կինընկերության գործընկերն է։ Նկարահանել է յոթ կարճամետրաժ, այդ թվում՝ «Լուսափայլ երջանիկ հասարակությունը» (2009) և «Ասում են, թե շները տեսնում են» (2012) ֆիլմերը, որոնք ցուցադրվել են Լոկառնոյի ԿՓ-ում, և ինը խղարկային ֆիլմ, այդ թվում՝՝ «Ճանապարհ դեպի Իթակե» (2010) և «Հրեշները» (2011) գործերը, որոնք երկուսն էլ մասնակցել են Բուենոս Այրեսի անկախ կինոյի ՄՓ-ի մրցութային ծրագրին, որտեղ «Հրեշներն» արժանացել է Ժյուրիի հատուկ հիշատակմանը։ Մյուս ֆիլմերից երեքը՝ «Պերոլայի առեղծվածային մահը» (2014), «Մարդակերների ակումբը» (2018) և «Ինֆերնինյան» (2018), ներկայացվել են Ռոտերդամի ՄԿՓ-ում և ցուցադրվել աշխարհի տարբեր կինոփառատոներում։ «Տարօրինակ ուղին»  Պարենտիի 10-րդ աշխատանքն է, որի համաշխարհային պրեմիերան կայացել է 2023-ին Թրայբեքա ԿՓ-ում։

Ֆիլմացանկ
Փրփուր և ոսկոր (կ/մ 2007), Անցում (կ/մ 2007), Քայլեր լռության մեջ (կ/մ, 2008), Լուսափայլ երջանիկ հասարակություն (կ/մ 2009), Ճանապարհ դեպի Իթակե (2010), Կապույտ պայուսակը (կ/մ 2010), Ես՝ զբոսաշրջիկս (կ/մ, 2010), Հրեշները (2011), Սխալ վայրում (2011), Ասում են, թե շները տեսնում են (կ/մ, 2012), Քաղցր ազբեստ (2013), Պերոլայի առեղծվածային մահը (2014), Էզեկիելի տարօրինակ դեպքը (2016), Մարդակերների ակումբը (2018), Իմ անձնական դժոխքը (2018), Ժպտացող ժոկեյը (2022), Տարօրինակ ուղի (2023):