Յոթ կալանավոր փախել են գաղութից՝ երկրաշարժից քարուքանդ եղած քաղաքում հարազատներին փնտրելու։ Փախստականներին գտնելու և յուրաքանչյուրին երկշաբաթյա արձակուրդի հրամանը հանձնելու է մեկնում նաև գաղութի տարեց կապիտանը։ Ֆիլմը մարդկային հոգիների աղետի մասին է։

Ստեղծագործական կազմը
Ռեժիսոր՝ Դմիտրի Կեսայանց
Սցենարի հեղինակ՝ Դմիտրի Կեսայանց
Օպերատորներ՝ Լևոն Աթոյանց, Աշոտ Մկրտչյան
Նկարիչ՝ Միքայել Անտոնյան
Կոմպոզիտորներ՝ Էդգար Բաղդասարյան, Յուրի Հարությունյան
Հնչյունային ձևավորող՝ Աննա Դրոժենկո
Մոնտաժող՝ Աբով Աբովյան
Դերերում. Լևոն Ղազարյան, Գագիկ Էջոյան, Հմայակ Մուրադյան, Սարգիս Բլիկյան, Ռոմեն Ավինյան, Տիգրան Մխոյան, Հովհաննես Փախանյան, Վոլոդյա Գրիգորյան, Ռուդոլֆ Ղևոնդյան
Արտադրությունը՝Հայֆիլմ

Դմիտրի Կեսայանց (1931-2001)
1945-49-ին աշխատել է կոլտնտեսությունում: 1950-ին ավարտել է Երևանի ռուսական մանկավարժական ուսումնարանը, միաժամանակ որպես դերասան աշխատել Պատանի հանդիսատեսի թատրոնում: 1963-ին ավարտել է Մոսկվայի Կինեմատոգրաֆիայի համամիութենական ինստիտուտի (ՎԳԻԿ) ռեժիսորական ֆակուլտետը (Գրիգորի Կոզինցևի արվեստանոց): Նույն թվականից աշխատել է «Հայֆիլմ» կինոստուդիայում:

Ֆիլմացանկ
Տերն ու ծառան (1962, կ/մ), Երևանի ատոմային կենտրոնը (1964, վավ.), Ավդոյի մեքենան (1966, կ/մ), Բարի լույս (1967, վավ.), Իմ հարազատ քաղաք (1968, վավ.), Սիրո խոստովանություն (1969, վավ.), Չախ-Չախ թագավորը (1969, կ/մ), Կրակոց սահմանի վրա (1970), Հավերժության երգը (1972, վավ.), Մարդն «Օլիմպոսից» (1974), Ներշնչանք (1975), Զինվորն ու փիղը (1977), Մեր պապերի քայլերգը (1980), Հրդեհ (1983), Հեծյալը, որին սպասում են (1984), Պատրանք (1987), Անիծվածները (1991), Աղետ (1993), Հաղթանակի օրը (1995, վավ.):