Դոկտոր Դեյվիդ Գեյլը պրոֆեսոր է Թեքսասի համալասրանում: Նա հոգատար հայր է և հայտնի գիտնական, որը երբեք չի թաքցրել իր համոզմունքները։ Դոկտոր Գեյլը հանդես է գալիս մահապատժի կիրառման դեմ և մեծ հարգանքի արժանանում իր այդ դիրքորոշման համար։ Բայց մի օր նա ինքն է հայտնվում մեղադրյալի աթոռին իր երիտասարդ համախոհներից մեկի՝ Քոնստանս Հարըուեյի բռնաբարության ու սպանության համար. վերջինս նրան օգնել էր մի դատապարտյալի կյանքը փրկելու նպատաակով մղված պայքարում: Դատավորը Գեյլին դատապարտում է մահվան։ 

Ստեղծագործական կազմը
Պրոդյուսերներ՝ Նիքոլաս Քեյջ, Ալան Փարքեր
Ռեժիսոր՝ Ալան Փարքեր
Սցենարի հեղինակ՝ Չարլզ Ռենդոլֆ
Օպերատոր՝ Մայքլ Սերեզին
Նկարիչ՝ Ջեֆրի Քըրքլենդ
Կոմպոզիտորներ՝ Ալեքս Փարքեր, Ջեյք Փարքեր
Հնչյունային ձևավորող՝ Դեյվիդ Մաքմիլան
Մոնտաժող՝ Ջերի Հեմբլինգ
Դերերում. Քևին Սփեյսի, Քեյթ Ուինսլեթ, Լորա Լինի, Գեյբրիել Ման, Մեթ Քրեյվեն
Արտադրությունը՝ Universal Pictures, Intermedia Films, Dirty Hands Productions, Mikona Productions, Saturn Films

Ալան Փարքեր (1944 - 2020) 
1969-78 թթ․ նկարահանել է ավելի քան 500 հեռուստատեսային գովազդ: Իր առաջին հեռուստաֆիլմն ասապարեզ է հանել 1974-ին, իսկ լիամետրաժ կինոդեբյուտը՝ «Բագսի Մալոունը», թողարկվել է 1975-ին։ Փարքերը նաև վեպ է գրել ֆիլմի սցենարի հիման վրա։ Հրապարակել է ծաղրանկարների երկու գիրք: Մեծ Բրիտանիայի ռեժիսորների գիլդիայի  հիմնադիր անդամ է եղել։ 1999-ին սըր Ալան Փարքերը դարձել է Բրիտանական կինոխորհրդի նախագահը:

Ֆիլմացանկ
Ոտնահետքեր (կ/մ, 1974), Մեր Սիսին (կ/մ, 1974), Բագսի Մալոուն (1976), Կեսգիշերային ճեպընթաց (1977), Փառք (1979), Կրկաիր լուսնի վրա (1981), «Փինք Ֆլոյդ». «Պատը» (1982), Թռչունը (1984), Էյնջելի սիրտը (1986), Այրվող Միսիսիպին (1988), Արի տես դրախտը (1989), «Քոմիթմենթս» խումբը (1990), Ուելվիլի ճանապարհը (1993), Էվիտա (1996), Անջելայի աճյունը (1999), Դեյվիդ Գեյլի կյանքը (2002):