Ավանդական հայկական ընտանիքում 16-ամյա Կարինեն երազում է անասնաբույժ դառնալ, բայց նրա ընտանիքը, հատկապես հայրը, որ զբաղվում է շնամարտերով, դեմ է: Հարազատները համարում են, որ այդ մասնագիտությունը կնոջ համար չէ։ Կարինեն պետք է որոշում կայացնի՝ գնալ իր երազանքի հետևից, թե լսել ընտանիքին։

Ստեղծագործական կազմը
Պրոդյուսերներ՝ Ինեսսա Մկրտչյան, Սոնա Մարգարյան, Կլարա Կավչակ, Ամելիա Սարմենտո
Ռեժիսոր՝ Լիլիթ Մովսիսյան
Սցենարի հեղինակ՝ Լիլիթ Մովսիսյան
Օպերատորներ՝ Լիլիթ Մովսիսյան, Աննա Տեր–Գաբրիելյան
Կոմպոզիտոր՝ Կառլոս Պրոտեուս
Հնչյունային ձևավորող՝ Նարեկ Խաչատրյան
Մոնտաժողներ՝ Ամելիա Սարմենտո, Լիլիթ Մովսիսյան
Դերերում. Կարինե Խլղաթյան, Գագիկ Խլղաթյան
Արտադրությունը՝ Motif Films, VDH Production

Լիլիթ Մովսիսյան        
Բարձրացող դինամիկ տաղանդ է, որը գերազանցությամբ է ավարտել Երեւանի թատրոնի և կինոյի պետական ինստիտուտը։ Նրա առաջին լիամետրաժ վավերագրական ֆիլմը՝ հայ-ֆրանսիական համատեղ արտադրության «Պայքարը», ճանաչում է ստացել մի շարք միջազգային հարթակներում, այդ թվում՝ DocsBarcelona Public Pitch 2020-ում եւ Baltic Sea Docs-ում։ Կինոնկարի պրեմիերան կայացել է 2024-ին Քոթբուսի ՄԿՓ–ում, ֆիլմը ներկայացվել է նաև Ռիգայի Artdocfest ՄՓ–ում։ Մովսիսյանի «Ճայեր» կարճամետրաժ աշխատանքը 2024–ին ընդգրկվել է «Ոսկե ծիրան»–ի մրցույթում։ Լիլիթ Մովսիսյանը բազմիցս մասնակցել է կինոարտադրության կարևոր ֆորումների («Ոսկե ծիրան»–ի Pro C2C Market, B2B Doc, EurasiaDoc, EAVE on Demand, Talents Sarajevo)։ Բացի ստեղծագործական աշխատանքից, իր կինոփորձն է կիսում՝ կինոռեժիսուրա դասավանդելով Թումո ստեղծարար տեխնոլոգիաների կենտրոնում։

Ֆիլմացանկ
Ես էլ (կ/մ, 2012), Խիո (կ/մ, 2013), Դատը (կ/մ, 2019), Ճայերը (կ/մ, 2024), Պայքար (2024):