2020–ի սեպտեմբերի 27-ին Թուրքիայի Հանրապետության և Ռուսաստանի Դաշնության բացահայտ աջակցությամբ ադրբեջանական ուժերը լայնածավալ ռազմական հարձակում սկսեցին Արցախի Հանրապետության դեմ: Հայաստանի Հանրապետության հազարավոր քաղաքացիներ կամավորագրվեցին պաշտպանելու Արցախի Հանրապետության 150,000 բնակիչների՝ իրենց հայկական հայրենիքում ապրելու իրավունքը: Ֆիլմը ստեղծվել է 2020–ի նոյեմբերի 9-ի հրադադարի համաձայնագրից հետո և փաստագրում է կամավորական դասակի երկու հերթափոխով Հայաստանի նորաստեղծ պետական ​​սահմանի մի հատվածի պաշտպանությունը:

Ստեղծագործական կազմը
Պրոդյուսերներ՝ Գագիկ Ղազարէ, Կարէն Բաղինեան
Ռեժիսոր՝ Գագիկ Ղազարէ
Սցենարի հեղինակ՝ Գագիկ Ղազարէ
Օպերատորներ՝ Գագիկ Ղազարէ, Գուրգեն Գասպարյան, Դավիթ Վարդանյան, Լևոն Բիչախչյան
Կոմպոզիտոր՝ Արմեն Մանդակունյան
Հնչյունային ձևավորող՝ Սոնյա Կոլչակ
Մոնտաժող՝ Գագիկ Ղազարէ
Նկարահանվել են Անուշավան Եգանյանը, Աշոտ Ավագյանը, Արամ Համբարձումյանը, Արմեն Ավալյանը, Գագիկ Ղազարէն, Գուրգեն Գասպարյանը, Գևորգ Բունիաթյանը, Գևորգ Գրիգորյան Էջմիածինցին, Գևորգ Գրիգորյան Էրէվանցին, Դավիթ Վարդանյանը, Թաթուլ Կարապետյանը, Լևոն Բիչախչյանը, Հովհաննես Սարյանը, Հրաչ Մուրադյանը, Մհեր Շահվերդյանը, Շահեն Սարգսյանը, Սարգիս Մարապանյանը, Սերյոժա Խառատյանը, Սմբատ Ասատրյանը, Սմբատ Հակոբյանը, Տիգրան Հովհաննիսյանը, «Երկրապահ կամավորականների միություն» ՀԿ կամավորներ:
Արտադրությունը՝ «Արվեստի բաց հարթակ» ՀԿ, Բաղինյան արտ վիդեո ստուդիա

Գագիկ Ղազարէ
Ծնվել է 1973-ին Վարդենիկ գյուղում (Հայաստան)։ 1980-ականներին նրա ընտանիքը տեղափոխվել է Երևան։ 1990-95 թթ․ սովորել է Հայկական մանկավարժական ինստիտուտի մշակույթի ֆակուլտետում և ստացել խաղարկային ֆիլմի ռեժիսորի որակավորում։ Պատանեկության և երիտասարդության տարիներն անցել են խորհրդային կայսրության փլուզման երկարատև ճգնաժամային տարիներին։ Թերևս դա է պատճառը, որ Հայաստանի մարդասիրական խնդիրների արծարծումը կարմիր թելի պես անցնում է նրա աշխատանքներով։ Դրանք բնութագրվում են խիստ հստակ ուշադրությամբ մարդու իրավունքների հանդեպև խոր ընդվզմամբ բռնության, մասնավորապես քաղաքական բռնության դեմ։ Ղազարէն իր ֆիլմերով, ներկայացումներով և տեսաարվեստով մասնակցել է բազմաթիվ տեղական և միջազգային նախագծերի, արժանացել մրցանակների։ Նա հայտնի է նորարարության իր հակմամբ, նրա գործերը բնութագրվում են համարձակ փորձարկումներով և ձգտում են վավերագրական հավաստիության։ 2003-ին հիմնել է կարճ ֆիլմերի «Մէկ կադր» միջազգային փառատոնը, 2006-ին՝ «Մէկ քառակուսի մետր» թատերական փառատոնը։ 2001 և 2007 թթ․մասնակցել է Վենետիկի միջազգային բիենալեին որպես Հայաստանի ազգային տաղավարի համադրողի օգնական։ 2019-ին հիմնել է «Արվեստի բաց հարթակ» ՀԿ-ն, որտեղ էլ ներկայումս կյանքի է կոչում արվեստի իր նախագծերը։

Ֆիլմացանկ
Պատը(2005), Երկխոսություններ (վավ․, 2010), Տրամադրություն (վավ․, 2010), Լսիր ինձ (վավ․, 2016), Պաշտպանիր պաշտպանիդ (վավ․, 2021), Հևք (վավ․, 2025)․