Երկու ուսանողական ընկեր, 40 տարի անց հանդիպելով աներևակայելի պայմաններում, որոշում են վերջապես պարզել դեռ երիտասարդ տարիներից իրենց հուզող մի հարցի պատասխանը։ Սա դառնում է նրանց խենթ ճամփորդության պատճառը։

Ստեղծագործական կազմը
Պրոդյուսերներ՝ Ռաֆայել Թադևոսյան, Անի Մաղաքյան 
Ռեժիսոր՝ Պետրոս Հովհաննիսյան 
Սցենարի հեղինակ՝ Անի Մաղաքյան 
Օպերատոր՝ Սիմոն Դավթյան 
Նկարիչ՝ Նազելի Մալխասյան 
Կոմպոզիտոր՝  Փարգ, Հող 
Հնչյունային ձևավորող՝ Թաթոս Հակոբյան 
Մոնտաժող՝ Էլեն Զոհրաբյան 
Դերերում․Լևոն Հարությունյան, Արթուր Կարապետյան, Ներսես Ավետիսյան, Թելման Խաչատրյան, Հռիփսիմե Նահապետյան 
Արտադրությունը՝ Կինոդարան ՍՊԸ 

Պետրոս Հովհաննիսյան
Ծնվել է 1997-ին։ Ավարտել է Երևանի թատրոնի և կինոյի պետական ինստիտուտը խաղարկային ֆիլմի ռեժիսուրա մասնագիտությամբ։ 2019–ին նկարահանել է «Ռեցիդիվ» հոգեբանական դրաման։ 2024-ին իրականացրել է «84-ի ամառը» մինի սերիալը Կինոդարան հարթակի համար, որը հետագայում վերածվել է լիամետրաժ ֆիլմի։ Այժմ պատրաստում է իր առաջին լիամետրաժ ֆիլմը՝ «Երջանկահովտից հարյուր մետր հյուսիս» սոցիալական դրաման։ Պետրոս Հովհաննիսյանն իր ֆիլմերով ձգտում է ներկայացնել երկրի սոցիալական և հոգեբանական իրողություններից ներշնչված տեղային խնդիրներ ու պատմություններ՝ փորձելով լսելի դարձնել այն մարդկանց ձայները, որոնց կյանքը հաճախ մնում է տեսադաշտից դուրս։

Ֆիլմացանկ
Ռեցիդիվ (2019), 84-ի ամառը (2024):