Արգենտինական գյուղի բնակիչների կյանքը բնութագրվում է բնությամբ ու առօրյայով։ Երբ տարեց ֆերմեր Օմարին մի գիշեր տեսիլք է երևում, նա թոռան՝ Նոայի հետ մեկնում է ճանապարհորդության՝ ի որոնումն իմաստի։ Մի ամառանոցում, որի տերերը երբեք այնտեղ չեն լինում, երկու տնային տնտեսուհի՝ Ռոսանան և Լիլին, տարօրինակ հայտնագործություն են անում, մինչ կախարդանքն ու իրականությունը միահյուսվում են։

Ստեղծագործական կազմը
Պրոդյուսերներ՝ Ագոստինա Դի Լուչանո, Լեոն Շվիթեր, Քիմ Ալամանդ
Ռեժիսորներ՝ Ագոստինա Դի Լուչանո, Լեոն Շվիթեր
Սցենարի հեղինակներ՝ Ագոստինա Դի Լուչանո, Լեոն Շվիթեր
Օպերատորներ՝ Լեոն Շվիթեր, Ագոստինա Դի Լուչանո, Լուիզինա Գուֆֆանտի
Կոմպոզիտոր՝ Հորա Լունգա
Հնչյունային ձևավորողներ՝ Մառա Միչիկե, Մարկո Մերկուցիո Պերոն, Մարկուս Քենել
Մոնտաժողներ՝ Ագոստինա Դի Լուչանո, Լեոն Շվիթեր
Նկարահանվել են Օմար Էսկալանտեն, Դանա Էսկալանտեն, Նոա Էսկալանտեն, Ռուլո Էսկալանտեն, Ռոսանա Գուդեմոնը, Լիլի Տորանսոն, դոկտոր Խուլիո Մոմը:
Արտադրությունը՝ Sabotage Kollektiv (Switzerland) / Agostina Di Luciano (Argentina)

Ագոստինա Դի Լուչանո
Ծնվել է 1998–ին Բուենոս Այրեսում: 2022–ից թատերական մանկավարժություն է ուսանում Ցյուրիխի արվեստի համալսարանում: «bOdyssey» թատերախմբի անդամ է՝ թաատերախումբ, որի նպատակը տարբեր մշակույթների մարդկանց փոխանակումն է ու համագործակցությունը: Դի Լուչանոն ապրում ու աշխատում է Ցյուրիխում և Բուենոս Այրեսում: «Գլխիվայր աշխարհը» նրա առաջին ֆիլմն է:

Ֆիլմացանկ
Գլխիվայր աշխարհ (2025):

Լեոն Շվիթեր
Ծնվել է 1994–ին Լենցբուրգում (Շվեյցարիա): 2016-21 թթ․ ուսանել է Ցյուրիխի արվեստի համալսարանի կինոյի բակալավրիատում սցենարագրության մասնագիտացմամբ: 2018֊ին այլ կինոգործիչների հետ հիմնել է EXIT Filmkollektiv կինոընկերությունը, որտեղ աշխատում է որպես ռեժիսոր և պրոդյուսեր: Նրա «Առայժմ ամեն ինչ լավ է» կարճամետրաժը ներկայացվել է տարբեր միջազգային կինոփառատոներում։ Ֆիլմը հեռարձակվել է ARTE, SRF և ARD և այլ հեռուստաալիքներով: Շվիթերի առաջին լիամետրաժ աշխատանքը՝ «Ապաստանը», ցուցադրվելով աշխարհի բազմաթիվ փառատոներում, այդ թվում՝ Մար դել Պլատայում, Սալոնիկում, Սիեթլում, Լոկառնոյում, արժանացել է «Առաջին հայացք» (Լոկառնո, 2021), «Ոսկե Ալեքսանդր» (Սալոնիկ, 2022) և FIPRESCI-ի մրցանակներին (Շվերին, 2023): Շվիթերն ապրում և աշխատում է Ցյուրիխում:

Ֆիլմացանկ
Հերիք է լողանաք (կ/մ, 2013), Զգեստապահարանտանիքում (կ/մ, 2014), Վիկտոր (կ/մ, 2015), Առայժմ ամեն ինչլավ է (կ/մ, 2021), Ապաստան (2022), Գլխիվայր աշխարհ (2025):