Մարիա Կլարա Էշկոբար
Կինոռեժիսոր, սցենարիստ և բանաստեղծուհի։ Նրա առաջին լիամետրաժ խաղարկային ֆիլմը՝ «Աքսորը», ներկայացվել է Ռոտերդամի ՄԿՓ-ի պաշտոնական մրցույթում, ինչպես նաև Վիեննայի, Թայպեյի և այլ կինոփառատոներում։ «Օրերը նրա հետ» լիամետրաժ վավերագրական ֆիլմը, որ Մրիա Կլարան նկարահանել է իր սցենարով, մրցանակներ է ստացել Տիրադենտիսի ԿՓ-ում (Բրազիլիա), DocLisboa-ում (Պորտուգալիա), Մուրսիայի ՄԿՓ-ում (IBAFF) և Հավանայի ԿՓ-ում (Կուբա)։ 2014-ին ֆիլմը ցուցադրվել է Բրազիլիայի 18 քաղաքներում, իսկ Մորեյրա Սալիս ինստիտուտը թողարկել է DVD սկավառակով։ Մարիա Կլարա Էշկոբարը նաև երկու կարճամետրաժ ֆիլմի սցենարի հեղինակն ու ռեժիսորն է. մեկը «Կիրակին» է, որը ցուցադրվել է Սան Սեբաստիանի ՄԿՓ-ում, մյուսը՝ «Ընտանեկան շրջագայությունը»։ 2019-ին նա հրապարակել է իր բանաստեղծությունների առաջին գիրքը «Երկյուղ, երկյուղ, երկյուղ» վերնագրով։
Ֆիլմացանկ
Կիրակի (կ/մ 2004), Ընտանեկան շրջագայություն (կ/մ, 2010), Օրերը նրա հետ (վավ․, 2012), Աքսոր (2019)։